قصيده للشاعر الشيخ/ مشعل بن قاسم آل ثاني في قبيلة ال مره

مبارك المري · #1 30-08-2009, 10:44 AM

قال الذي فـي محفـل العيـد غنـا=في كلمة يطرب لهـا كـل قصٌيـد

والحمـد للـي عزنـا فـي وطنـا=في العام عيديـن وذا ثالـث العيـد

فـي ظـل قايدنـا زبـون المجنـا=النادر اللي فـي المهمـات صنديـد

شيخ الشيـوخ اللـي بامانـه ومنـا=خليفة المنصـور واخوانـه العيـد

هـو درعنـا كـان الليالـي رمنـا=اللي فرد بالطيـب والمجـد تفريـد

مفراص مـاص ماضـى مستسنـا=الين من الماهود وأقسى من الحيـد

ويعيش شيـخ هـو ذرانـا واملنـا=سبع السباع وكيد مـن ينقـل الكيـد

حمد حميد الـراي فـي كـل فنـا=ولي عهد الـدار سعـد المضاهيـد

قايـد جمـوع فـي اللقـا ماتونـا=خذ من كرم حاتم وسطوات ابو زيد

يعيـش شيـخ نـزح الغـدر عنـا=وجيش على امره يخضع السيد والبيد

واليوم جازت لي علـى مـا تمنـا=والشعر جاله في ضميري مواريـد

مع لابـةٍ فـي العـز منـا وعنـا=مريـةٍ تستاهـل المـدح وتـزيـد

يشهد لهـا التاريـخ وانـس وجنـا=لطامـة العايـل بكثـح البـواريـد

ظفـران يـوم الشـر منـا ومنـا=أهل المناسـف والـدلال البغاديـد

عدوهـم لازارهــم مــا تهـنـا=وصديقهم له فـي الثريـا مقاعيـد

حنا وهم مـن يـوم عشنـا وكنـا=سيف لنا نلطم بـه الخصـم ويبيـد

يـا ميـة يـوم السوابـق تعـنـا=فازوا على العالـم بكثـر التحاميـد

واخلاصهم مـا فيـه شـك وظنـا=لا دور الزلـة كثـيـر المناقـيـد

يفداهـم اللـي بالمواجيـب قـنـا=أهل الوفى والجود والجـد والجيـد

ويـام سـواة طويـق ظـلٍ وكنـا=تخضع لهاروس الطغـاة النماريـد

أهـل بيـوت فـي الحرايـب تبنـا=ريف على الصاحب وللخصم تنكيـد

واليـوم حنـا فـي فرحكـم حفلنـا=يا من بكم نفخر على الخصم ونسيد

تمت بذكـر اللـي بعطفـه شملنـا=والعفو لاقصر كلامي عـن الميـد

وصلوا عدد مـزن رعـوده تحنـا=على رسـول حـدد الحـق تحديـد