أطلال القصيد

[الشاعر ويكيليكس]

أنا لو بغرد في همومي على كم بيت = وأقدم من أسرار المحبين صفوّتها
تعال إحسب الريتويت في عالم الريتويت = عذولك يرتوّتها ,, وخلك يرتوّتها
شربت الهموم اللي كما حامض الكبريت = وذاق المتابع بالسياسه حلاوّتها
أبدّل ,,غرامي بالسياسه ,, ويا بالفيت = ما أحب الهنوف اللي غدت بي شقاوّتها
وأنا آكنها مثل الزقاره,, وإلا كنيت = كتمّت الهوى,, وعروق الإحساس ,, هوّتها
وألحّق مع الباكيت خمسة عشر باكيت =وأطوّف على اللي طيحتي ما يفوّتها
ولكني آقدي هجوسي ليا غنيت =وأخبّي ليونتها,, وأبيّن قساوّتها
تضيع الهقاوي بين يمكن ,, ولو ,, وليت = ونفسي تدل الهقوه اللي تهقوتها
ولو كل شمعه من شموع الفكر شبيت = هل العشق خلّت شمعة الفكر,, دوّتها
سوات الفراش اللي تزاحم لشاف الليت=وإذا زاد ضغط ,,السلك, فالليت,,موّتها

[الشاعر ويكيليكس]

‎http://pic.twitter.com/U2t129VV‏

كان دشتي بالحكي ضرغام=دشدشوه إبقاعة الأمه
إسمحولي يا وجيه إهشام =ناويٍ ذالليل بإمطمه
ابن برغش ما يفشل يام= يا كلابٍ تعبد العمّه
من يقول إن الوعد قدام =بالقشر , ينسى حليب أمه
ما مسحنا دمعة الايتام= دام كل أيتامهم خمه
دشدشو عبادة الاصنام= يوم دشتي خشمه إزمه
كل يوم / وكل شهر / وعام= نركز البيرق على القمه
نرجع الأقزام للأقزام= كلب قم ، إنرجّعه قُـمه

وجارى الابيات السابقه الشاعر :

معلم تربيه بدنيه ‏@mobarksalajmi

ابن برغش فاللقاء مقدام =لا بدأ فاللازم يتمّه
والإيراني راعي الأعلام= رِمّةٍ واللي معه رمّه
‎نعرف انه يعبد الأصنام =عقربٍ ذيله حوى سمّه
ساع ابن برغش نواه وقام =داخل عروقه نشف دمّه

[الشاعر ويكيليكس]

وصلتني هالبيتين ولا اعلم من شاعرها :

لا تنام و خاطري بك مستفيق= خل عنك هالنعاس و هاتني
يا حلو تصبيحتك مع فك ريق= و يا عذابي لو صباحك فاتني

وكان ردي :

كيف أنام ، وخاطري مليان ضيق = من قبل ، ، رسالتك ما جاتني
بشعل إضلوعي من اللهفه حريق= لو صباحك فاتني ، ، يا فاتني

[الشاعر ويكيليكس]

يقطع الله صيب شعّار التسلّق= كل ما غنيت بالطاروق ، ، غـنّـو
بس انا مليت من كثر التملّق= وان سريت الليل في دربي تـثـنّو

كل ما جيت اتغزل بالحبايب مره= مرني شاعر بلا غتره ولا طاقيه

كل ما جيت اتغزل وآتغزل= مرني من زمرة العذال عاذل
لين هاجوسي عن التوصيف،،عزّل= والحبيّب يتهمني بالتخاذل

القاع صفرا ، ، والسما صفرا =وأنا احمد الله ، ، بأول وتالي
وإن شفت زول ، ، الجادل العفرا = لاحت بروق ، ، وهل همالي

لو بيني وبينه جيوش الموت =ما تردني عن غصنه الليّن
لا تقطفون التوت يا اهل التوت = التوت , , بأقصى مبسمه بيّن

القلب لا نامت عيون البشر فز =فزةٍ هبيلٍ ناويٍ في مصيبه

قلت: حنا،، قالت : اسمه يا إمتخلف تاتو= قلت : تاتو راعي الحنا ،، وقالت : بايخ
ذا تطوّر أو هل أكياس التعاون ماتو= قالت : الموضه ،، وقلت : اللي تبعها دايخ

ما تُحكم العشاق بإستبداد =وابن الملوّح جنت إجنونه
وما تنفع الاشواق بالاقصاد= يا عاشقٍ ما سدد إديونه

تضحكني الدنيا ، وأنا خاطري شين= لو إن ، كل اللي عليها ، ، ، تباكو
صبراً جميل ، وضحكةٍ ، كنها دين= طلابة المديون ، منها ، ، تشاكو

ماني مزاجي يا بعد كل من راح= وأقفى ، وفي نظرة عيونه علاجي
خليتني في عالم الشوق سواح= لو كان ما في عالم الشوق ناجي

كل ما جيت اتغزل في وصوفك= يالوليف اللي معه لينت راسي
قلت عذال الهوى يمكن تشوفك =واقلب أبياتي على الوضع السياسي
لي ظروفي وانت مدري وش ظروفك= يوم صبيت الزعل في وسط كاسي
بالغرام إحذر تعذرب في ضيوفك= أكرم إضيوفك وخلك دبلوماسي
إيه احبك واعشق إحساسك وخوفك= لو تقول أنساك،، انا ماني بناسي
قلبي البرشا وجمهوره طيوفك =وانت ميسي،، بس فالعرق الأساسي
اه يا كبرك ويا كبر إمعروفك= يوم صرت بسبتك شاعر حماسي
كان ما غنيت في باقي وصوفك= لا يجي في واير الشوق إلتماسي

مليت انا من ردة الشعّار= اللي تقول الجود بالماجود
تقطع حبال الشوق والافكار= بإم الغلا وأم العيون السود
شوقي لها في حالة إستنفار= كتايبٍ متمركزه بجنود
غزت هواجيسي بدون إنذار= ماعاد فيها يا عرب منقود
لو العميمي شغل الرادار= وده يقيّد ما ورد بقيود
يبطي ، ، ولا يدري وش اللي صار= بالقاف ، ، لا هبت هبوب النود
يا ام الغلا ، ، سيف الغلا بتار= ما يردعه ،، قلبٍ كما الجلمود
من ضربته ،، زاد الشرر بالنار= شب الضلوع وقال مابه
آموت بش .. وآهيم بش ،، وآغار= يا جعل عينٍ تنظرش للدود
مابي عيونش تلفت الأنظار= لا صرت انا فوق الثرا موجود
وان مت / وأبدلت الديار / إبدار= مسلم / ولا اتبع منهج التلمود
يالله عساي أحشر مع الابرار= وانتي / معي يا ام العيون السود