أطلال القصيد

[الشاعر ويكيليكس]

عزيزي المغرد ستجدني:

للحق سيفُ ملتهب,
يهوي كما تهوي الشهب
على رؤوسٍ أينعت
من ذلةٍ أو من كذب

لكم مني كما سأجد منكم,,
نظريه بيزنطيه

[الشاعر ويكيليكس]

بيرق,,ورمح,,وسيف,,وحروف,,وأقلام=مع الجبان إتصير من دون قيمه
وأنا الشجاع اللي حروفه من العام=تروي العطاشا بس من دون غيمه
إن قلت: ,,قلت الحق,,والدرب قدام=وإن طلت ما صدرت دون الغنيمه
هلا هلا واقلط على شرع الإسلام=لأهل الحشيمه زود قدر وحشيمه
واللي يدريبيها من الشرق للشام=يلقى الكدر والمعركه والهزيمه
قولو كذا,,ولا كذا,, يا أهل الأحلام=حتى ولو ما عبرتكم حليمه
أحدٍ يسوي له قصيده من إلهام=ورده..وعقله مثل عقل البهيمه
كنت أحسب الشعار يا قوم صيام=ما ينكرون المهزله والجريمه
يالين شفت الشاعر إن طاح ما قام=في حب من زادت بلاه وجحيمه
شاعر يقول دموع عيني من أيام=تهطل بعد فارقت ساره وريمه
ولا نزل دمعه على وصل الأرحام=ولا نزل دمعه عشان اليتيمه
ولا إحتمى لا شاف عبّاد الأصنام=في مجلس الأمه تزيد الشتيمه
كوهين سوا مملكة راي وإعلام=وحنا مع الإسكان ننطر قسيمه
يعني متى نصحى,,ليا خلص الزام,,!!=ولا ننام وتستمر الظليمه
الغرب سجل من ثقافاته أرقام=والشرق الأوسط ضايعٍ في رقيمه
إعشق قمر ,,وإكسب جمل,,وإرفع الجام=لا صارت النيه ماهي مستقيمه
أنا عشقت وهمت وعيوني إهيام=بالجادل اللي في خفوقي مقيمه
لكن ليا من شفت لي شخص منضام=غنيت له يا أهل العقول الفهيمه

[الشاعر ويكيليكس]

يا صباح الورد يا الورد الندي=ما هو إبصبحٍ هلــه متقاعســـه
يتبع الحرف أبجدي حرف أبجدي= كــل ما شفــت العيــون النــاعســه

.

[الشاعر ويكيليكس]

الفكر فكري والبلاد بلادي =وأنته تعاتبني على جمهوري
هذا الوطن فيه انكتب ميلادي=وشلون ما اوصف من غلاه إشعوري
ياللي تبيني في هواك أنقادي =ما تحتكر شعري وحبر إسطوري
لو كان حبك فيه من بغدادي =الحزب بعثي والحكم جمهوري
أبقى ديمقراطي وجوي هادي=شاعر غزل وأحيان شاعر ثوري
يعني فديتك لا تزيد عنادي=عشان أحطك بند في دستوري
وان صار ليل العشق توه بادي=وأنته تحت طوعي وتسمع شوري
بغيض حسادك مع حسادي=وأوّصف إعيونك حسب منظوري
العين نجلا والغلا بفوادي=والرمش طبعه طبع دكتاتوري
رمشك ليا سلهم تضيع أمجادي =واكتب نهاية شاعر الدستوري
لكن ليا ناشبتني فبلادي=بقول عينك مثل عين الكوري

.

[الشاعر ويكيليكس]

يا تويترٍ فيه الجميع إيغردون=شيهانتي طارت ولا ادري وينها
أتلا العهد مابين رمشي والعيون= صابر على شين الزمان وشينها
أسقيتها دمعٍ تبل إبه الجفون= وإن جف دمعي حضّرت سكينها
وإليا قطعت الزاد عنها ما تهون= إلا على قومٍ ظلالٍ دينها
شيهانتي وحدة وطن يا أهل الجنون= بحريةٍ شفت الطمع في عينها
وأنا الخليج اللي رجاله يفزعون= إليا اعتزت بأهل الوفا بحرينها
وحدة وطن لو تعقلون وتفهمون =كذبه من أموال البلد شارينها
كذبه،، تساوي كذبة إسقاط الديون= قالوا : نكحلها وهم معمينها

[الشاعر ويكيليكس]

يقولون : فتنه طائفيه وأنا بآقول =عسى ضلوعكم سلاّل جدي يفتتها
يقولون فتنه طائفيه ومش معقول!!= نشوف المجوس إمجمّعه ما نشتتها
من الشرق أسمع لطم صدرٍ ودف طبول= سوات الزنوج اللي على النار لفتها
مهابيل تتبع عمة السيّد المهبول= ليا شب ناره هم حطبها وشبتها
من غونتنامو هدو الطير في كابول =وبيض الدجاجه مافقس وسط عشتها
تركّون ولا ما تركوّن عرض وطول =فدينا هل البحرين وندل يمتها
بدال السفينه ياجماعه ندز إسطول= ونسبح ليا طقت علينا مكينتها
سباحه سباحه ما خشينا من المجهول= رجالٍ تزيد عزومها من عقيدتها

[الشاعر ويكيليكس]

يا طيــــــر ياللي في تويتر تعليـت =وصــل سلامي للمغــرد وقلـه
قلــه ليا من ضاق عندي عفاريت= إتخلي الضيقه تفارق محلــه
البارحه غنيـــت واليـــوم غنيــــت =بــس الغنــا يفرق دقاقــه وجلــه
وان شفت في دربي خبول وسرابيت =حطت لهــــــا بسكــــوب لوبي وفلـــــه
خليتهم ما بيــن شعلـــــــه وكبريـــت= وانا طبيــب اللي بـه ألفين علـــــه
وان جاني الساقط ربطت الديناميت= من فوق خصره،،، وانفجر يا سجله
يا كويت حنا لش،،، فدا دوم يا كويت =في حكم ابو ناصر وشوره وظلـــه
يا امير لا من قلت ولا تعزويـــــت=نموت وتعيش البلد مستقلــــــه

[الشاعر ويكيليكس]

وصلتني بيتين من الشاعر ياسر العتيبي في تويتر على قصيدة يا طير ياللي في تويتر تعليت


@yasseralotibi

حييت يا طيرٍ تعليت حييت= وحيا الله اللي مرسلك من محله
شاعر يغرّد في تويتر وله صيت =واللي يسوي له ( فلو ) مايمله

وهذا ردي عليه :

يا بيرقٍ يلطم خشوم الطواغيت= ولا يحب أهل الصحف والمجله
دام البقا وان كان في صفحتي جيت= يـــا مرحبــــا ترحيبــةٍ مستقلـه

[الشاعر ويكيليكس]

؛
؛
؛

ياقومها يا قومها يا ملا الخير=البنت هذي بالحلا تعبتنا
حطو لها برقع مثل برقع الطير=حطوه دام قلوبنا موجعتنا
ولا النقاب اللي يسمونه السير= وش خانته وعيونها ضيعتنا
فوجٍ مواريدٍ وفوجٍ مصادير=حتى على جال الغرام أودعتنا

؛
؛
؛

[الشاعر ويكيليكس]

رساله من الشاعر/ويكيليكس،،،إلى أصنام المجلس:

الظفر فنجال،،،والدله معزه=من بغى فنجالها،،يقدع رطبها
الردي بالضيق فنجاله يهزه=والشجاع إن جاته الدله شربها
شاربٍ راعيه ما عزه،،، يجزه=الرخوم إرخوم ما تفتل شنبها
(الصليبيخات) صارت مثل (غزه)=والحكومه نارها تاكل حطبها
كل حرٍ بالعصا لا تستفزه=الرجال أحرار تنطح من حربها
مالنا غير الكرامه والمعزه=دام روس القوم تطبخ من غضبها
يوم طاح عبيد بعد الهيس كزه=طيحته بيطيح غيره من سببها
كل رجلٍ شاف له شيٍ يحزه=يرجع إلنوابه اللي منتخبها
مانبي نواب ابو صوره ورزه=يالرجال اللي تقدر من طلبها
نايبٍ فعله قصر في كل حزه=ما يفك القوم في حزة نشبها
نايبٍ طاع المعزب يوم خزه=كنه اللي للفحل ترخي هدبها
يالمواطن لز منهو غاب،، لزه=أنت لزه،،،والمواقف نحتسبها

.

مع تحيات الشاعر/ ويكيليكس