اقتباس:
المشاركة الأصلية كتبت بواسطة أفلاطون العجمي
الاخت الناقده...
جزاك الله خير..
مواضيعك دائما بالصميم وقويه وواقعيه لدرجه قويه...
مشاركه سابقه لي بموضوع بقسم القلم الحر ...
قصه حدثت امام عيني وطرحتها هنا بالمنتدى ...
ومقاربه لموضوعك وستكون اضافه مني لك ...
اترككم مع القصه التي حدثت امام عيني...
مره من المرات واثناء دوامنا ومعي خوي بالدوام وعلى سياره الدوام الخاصه نمشي بالشارع والا قدامنا سياره كبيره وهي سياره عائليه نوعا ما تصلح للسواقين اللي هم الهنود او ماشابه....
المهم مالكم بالطويله والا فجاه سياره العائليه بنشر احد توايرها وزين ان الهندي ذيب امعط عرف شلوون يتصرف والا ضيع الشارع بالحوادث وابتلشنا وصار فلم هندي وشيل ابوك وحط ابوك....
وقف الهندي على حاره اليمين من الطريق من الخوف والا جاء احد من يسمونه فاعل خير ووقف يبي يشووف شنو صار وياهم ووقفنا حنا بحكم عملنا ....
والا يوقف فاعل خير ويبي يروح بيشوف شاللي حصل وحنا نزلنا نبي نشوف بعد شاللي حصل...
المهم والا داخل السياره بنتين جالسين ورى وبالعين العافيه والا نحاول مع السايق ان ندز السياره لجانب الطريق بعيد عن الشارع وخلينا السياره بجانب الطريق....
ولما خلصنا قلنا للبنات اتصلوا على واحد من اخوانكم يجي ياخذكم من الشارع واتصلوا عليهم ومااحد رد عليهم وبنفس الوقت والا ينقز فاعل الخير ويقولوهم ابشروا انا بوصلكم لبيتكم وللعلم فاعل خير هذا شخص مبين الوقار عليه وملتزم او بالاحرى مطوع ....
فقالوا البنات لا مشكوور شيقولون اهلنا وجايين مع رجال غريب ومب حلوه عيب وشوي والا تنقز الاخت الثانيه وتقول للاخ تقدر توقف لنا تاكسي ويوصلنا للبيت....
واشر لتاكسي ووقف التاكسي وركبوا البنات وياهم السواق....
ان اللي ذبحني وقهرني يعني المطوع رجال ومايجوز يركبون وياه ...
والهندي وسايق التاكسي عااادي يركبون معه ويوصلهم لبيتهم ليه الهنود مب رجال والا من أي جنس هم .....
تعرفون شنو المشكله عندنا هنا بمجتمعنا....
ان السواقين الوافدين للاسف اصبحوا بنظرنا غير رجال وان عادي يذهبون معه بعض الحريم دون محرم حاليا ...
ويروحون معه السوق ويجون والمشكله ان هؤلاء هم قنبله موقوته قد تنفجر باي وقت وقد يكون ضحاياهم بناتنا واولادنا ....
لك السعاده....
|
حياك الرحمن اخوي افلاطون
بصراحه قصتك هذي نشاهدها دايما واعتدنا على مشاهدتهم ''
وعلى فكره لو بحثنا فالحقيقه لوجدنا ان الاهل هم اللي خلوا البنات يتصرفون هالتصرف ، لانهم معلمينهم ان الوافدين اأمن لهم من الخليجي وان هذا الوافد مامنه خوف ، وعادي لو تركب معاه لوحدها ، اللهم لاتبلانا ...
والله يحفظ بنات المسلمين ويستر عليهم بستره ...
شكرا للاضافه والمداخله
14-01-2010, 09:47 AM
العرض الشجري