( مآفي الخآطر )

[ريـمـيـه]

البارحـه ربـي كتـب لـي ومريـت

درب ٍ عليه بـروق الاحبـاب لاحـت



جيت المكـان اللـي جمعنـا وخفيـت

وقامت جروحـي للجـوارح وصاحـت



يا ليتنـي فـي لفـة الـدرب زليـت

كان العيون مـن الدمـوع استراحـت



اللتم غيـم الدمـع مـن يـوم لفيـت

وورقا القصيد لشوفـة الغيـم ناحـت



و ضحكت ما ابغي الناس تدري يبالفيت

لكنها غصـب ٍ علـى العيـن ساحـت



حارت دموعي في عيونـي وصديـت

وارمشت ابيهـا ماتبيّـن... وطاحـت



وعقبه برق فالعيـن بـراق واسقيـت

خـدي ووناتـي بصـدري تـلاحـت



وانا احسب اني فـي فراقـه تعافيـت

وان عبرتي من مدخـل الـزاد زاحـت



اللي يحسب اني على البعـد سجيـت

والا ان عيونـي للرقـاد استبـاحـت



ياليتنـي مـن قبـل لا احبـه اقفيـت

والا ان دروبي عـن دروبـه تناحـت



اهون علـي مـن البكـا والتناهيـت

واشلا من سدود ٍ على النـاس باحـت



عرفت كيف الحي يفرق عـن الميـت

وعرفت قيمـة نعمتـي يـوم راحـت



قولوا له انـي عقـب بعـده تدانيـت

ورجلي عن دروب المعافيـن شاحـت



البعـد نـار وطاعـة العـذل كبريـت

يقصر على بعده... ترى الكبد فاحـت

[ريـمـيـه]

مات الصبر . من جفاك .! وكثـرة ذنوبـك
بعد سرقت .! أجمل أيّامي . من سنينـي .!
ياصاحبـي . والجفـا ماهـوب عذروبـك
عذروبك .؟ إن أنـت مـا تقـدر تنسّينـي
تغيـب .! وتمـوّت الأشـواق . محبوبـك
وإن مِت لِك في غيابك .! ويش يحيينـي .؟
بالله ماضاق فيك إمـن الجفـا .. ثوبـك.؟
وشلـون طاوعـك قلبـك .! يـا معنّينـي
تدري وش اللي مصبّرني على إسلوبـك.؟
إنّـي أعـرف المفـارق .! بينـك وبينـي
أقول .. مابيك .! وإن رحت .؟ ألتفت صوبك
آصيـح وآقـول : تكفـى .! لا تخليـنـي
تذبذبـي فالعلاقـة .! أكـبـر عيـوبـك
خلّك معي .! لا تغيب شـوي . وتجينـي !.
أما تعاملني . إنّـي صـدق . محبوبـك .!
ولاّ .! ليا رحـت عنّـي .؟ لا تخلّينـي .!

[ريـمـيـه]

سلامتك .. يانور عيني من البـاس
تمرض وغيرك يوم تمرض / تعنّـا


ترى المرض يوم انفرد بك عن الناس
يبي ينال من الشرف .. مـا اتمنّـا

[ريـمـيـه]

إبـتـدا الليـل وإجتـَـاح المكَـان الظـَـلام

وإكتسَـاني حِـزن من راسي إليا إقدمـي


الـغـلا . والمحبّـه .! والجفـَـا والخصَـام

أربَـع أشياء .! سبّتهـا .! يحلـَّـل دمــِي .!


أنَـت ياللي عَـجـز عنـْـك الحكَـي والكَــلاام

يَـوم مـَالك مَـع العالم شبيـه وسمـِـي


أنَـت قــَد الوفـَـا والشـوق والإهتمـَـام

وأنَـت كفـو لـ أحبـِـك لا نطقهَـا فمــِي


أنَـت كاسـيني .إمِـن الحـب والإحتـرام

من هِـنـا معصمـي حتَـى هـِنـا .، معصمـي


مانـَت قصّـة محبّـه عابَـره والسَـلام

أنَـت غير المحبـّـة ؟ .. درعـي ومحـزمـي

[ريـمـيـه]

الحلم ياتيني بزولك واراعيه _

في كل حلم اقوم قبل اتحفاه

واعشق سميك في البزارين وادعيه _

واقبل خطاه اذا اخطى واتلقاه

واسمك يروعني اذا مر طاريه _

واحب ملقوفن يسولف وطراه

وامر بيتك من بعيد و لا اجيه _

وانا لو انه في يدي ما اتعداه

حتى تواير موتري تلتفت فيه _

تبغي تلف يستحي العقل والجاه

وصلك يخيط الصدر والبعد يفريه _

ويابري حالي كآن صديت بريآه

ويلي على ادري حبنا وش تاليه_

ويلي على ادري وش ورى الغيب ويلآه

عشآن اشوف اذا محبتك ترفيه _

والله لقفي عنك استغفر الله

[ريـمـيـه]

لاتشتكي من جور الأيام لناس

وادفن همومك في ثرى الصمت كلة

أسرار عمرك خلها تحت الانفاس

لاصار هراج القفا فاطنن له

هذاك يفرح لا لمس جرح الاحساس

وهذا مناه لا لقى فيك عله

[ريـمـيـه]

[يــوم الـميـلاد]

يمــرني كــل عــــام.. يــوم ميــلادي

يـوم أعـرفه ويـوم أنـسى مـواعـيده


يمــرني وانــتـبه لـلـغــايـب الـبــــادي

وأهـوجس بحال غيري.. من مواليده


ارتـــاع وارتــاح لــه يفــرق وعــادي

ينقص من العمر عام..في ضحى عيده


انـاغـم الحـرف.. ذا بــاكـي وذاشــادي

وارســل مع كل نجمه وجد تغريــده


ياركب الايام معـك.. العـمــر ينقــادي

كـم ليـله وسـدتنـي.. فيــك تنهـــيده


فـي لحظه العمـر تسرع فزة افوادي

لحظه وفزه.. وباقـي العمر.. ترديده

[ريـمـيـه]

url=http://www.herosh.com][/url]



كل ما شفت جرح ، وقلـت : تقـدر تطيـب ؟
رد وقتـي : تــرى مــا ينفـعـه طبـنّـا

ليه حلمي ، وحلمك .. تحت رحمة ( نصيب ) ؟
أول الـدرب يمـدح .. وآخــره سبّـنـا !

والله إنـي حبيـب .. ووالله انــك حبـيـب
لكـن الظـاهـر إن الـوقـت مــا حبـنّـا ]

[ريـمـيـه]

لي أيام مدري وين دارك ولاادري ليه ~
وانا خابر اني باب شفك ومزلاجه

غياب بلا سبه هجاد بلا تنبيه ~
وجفا اغلا العرب نار على الكبد وهاجه

نضج قلبي من البعد وش حاجتك تكويه ~
جفاك الجمر والصبر في بعدك الصاجه

طبع حبك بقلبي والايام ماتمحيه ~
هذا هجرك يحاول يموجه ولا ماجه

يموت الأمل لكن ضنون الغلا تحييه ~
وعروق الوفا فالروح والقلب وجاجه

خبرتوا حد يبكي على واحد يبكيه ~
وخبرتوا حد مسجون مايبغي افراجه

احبه ولاابغضته على شين إيسويه ~
ولازالت ارقاب الرجا فيه منعاجه

عسى منزل ضمه حقوق الوسم تسقيه ~
وتضحك له الدنيا وهو يضحك أحجاجه

[ريـمـيـه]

مسكين شكلي وانا قاعد لحالي
ظنيت خلي بيجي جنبي يسامرني

طفيت شمعتي وياعزتي لحالي
بكيت وحدتي والحزن بس الي بكاني

هقيت يرجع خلي ويقعد قبالي
خابت هقوتي فيه وخلاني مع احزاني