الدروب النظيفة

[%عــــــزوة %]

السلام عليكم ورحمة الله وبركاته

اسعد الله صباحكم بكل خير

الشاعر مطلق بن حميد الثبيتي رحمه الله واعجبتني القصيدة

فاحببت ان انقلها لكم وامل ان تحوز على رضاكم



اختـار سمحـات الـدروب النظيفـة
،،،،،،،،،،،، اللي غسلها رايـح المـزن برشـاش
يمشونهـا قـوم النفـوس الشريفـة
،،،،،،،،،،،، اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة
،،،،،،،،،،،، ما هي لطير البوم غيران واعشـاش
وإحلالهـم للضيـف دايـم مريـفـه
،،،،،،،،،،،، لو رجلهم يسرح ويضوي على مـاش
والرجـل منهـم مـا يخلـي رديفـه
،،،،،،،،،،،، إن ما ت مثله مات وان عاش له عاش
وان مات منهم رجـل عقـب خليفـه
،،،،،،،،،،،، يطعن نحور القـوم ويـرد الادبـاش
يعرف هدف روحـه ويعـرف وليفـه
،،،،،،،،،،،، ما يعرف الخونـة ولا هـو بغشـاش
وليـا رزقـه الله بعـذراء عفيـفـة
،،،،،،،،،،،، ايحطها مـا بيـن نونـه والارمـاش
ماهو علـى الخفـرات يستـل سيفـه
،،،،،،،،،،،، وان طالعوا فيـه الرجاجيـل ينحـاش
حلـو النبـا سمـح المحيـا لضيفـه
،،،،،،،،،،،، ويصير لـه خـادم مسخـر وفـراش
وان مـد مـا مـدت يمينـه قصيفـة
،،،،،،،،،،،، مدت يمينـه تبهـر الخبـل والـلاش
واليا هـرج تلقـى علومـه طريفـة
،،،،،،،،،،،، ما هـو لهفـوات المناعيـر منقـاش
وان شبت النيـران مـا هـو بليفـة
،،،،،،،،،،،، في ساعة الكربـة سـواي ورشـاش
سده بعيـد ولا أحـد يعـرف غريفـه
،،،،،،،،،،،، ولا هو لعرض المكرم العرض نهـاش
والشوك في جنبـه سـوات القطيفـة
،،،،،،،،،،،، إن كان ما له بيت مامـون وافـراش
ما يرتكـي فـوق الخبـول الضعيفـة
،،،،،،،،،،،، اللـي ليـا حركتهـا قدرهـا طـاش
وان جـا نهـار كـل قـرم يعيـفـه
،،،،،،،،،،،، ما هو ليا ثارت على القـوم رمـاش
الكذب يعـرف بيـن الأجـواد زيفـه
،،،،،،،،،،،، والصدق مثل السيف صاطي وحشـاش
وصحيفته يـا طيبهـا مـن صحيفـة
،،،،،،،،،،،، ولهـا مـن العقـال كاتـب ونقـاش
حـاز المراجـل والمراجـل كليـفـة
،،،،،،،،،،،، الا على اللي كل مـا رامهـا هـاش
وان شاف له من جانب القـوم خيفـة
،،،،،،،،،،،، تلقـاه للخيفـة مهـاجـم وبـطـاش
الصدق والمعـروف والطيـب كيفـه
،،،،،،،،،،،، ويغبش لها مع طلعة الفجـر مغبـاش
للحمـل مـا تلقـى جنوبـه صخيفـة
،،،،،،،،،،،، حوله بروق تعمـي العيـن وافـلاش
يصبر على جرحـه ويمسـح نزيفـه
،،،،،،،،،،،، طبه بشبه خير مـن طـب الاحبـاش
ولا هو كمـا سبـع سنونـه ضعيفـة
،،،،،،،،،،،، دايـم يلحسهـا وللعـظـم عــراش
وان شاف له في غيبة النـاس شيفـة
،،،،،،،،،،،، ما هو بخبل لاخضـر العـود قـراش
دنيـاه لـن صـارت ذلـول عسيفـة
،،،،،،،،،،،، طوع علهـا كـل عاصـي ونفـاش
وان كان قفـت مـا عليهـا حسيفـة
،،،،،،،،،،،، ولا هو ورا هوج المعاصيـر قشـاش
وان جاع ما وقع كمـا طيـر جيفـة
،،،،،،،،،،،، وان عري ما يلبس سماليل وأخيـاش



أختكم / عـــــــــــــزوة

[m7md al-3jmi]

الله لايهينش يا copy paste

قصيده جزله من شاعر جزل الله يبيح منا ومنه

[%عــــــزوة %]

المشاركة الأصلية كتبت بواسطة m7md al-3jmi

الله لايهينش يا copy paste

قصيده جزله من شاعر جزل الله يبيح منا ومنه

لاهنت لمرورك لتصفحي يابو القنــابل عجل ويش تبغي اسوى؟؟ ولايهمك ؟؟
ماعادني مسوية copy paste بشعر علشان ونزل اشعاري



أخيتك / عـــزوة

[مـحـسـن]

صح لسانش ولسان شاعرها


لاهنتي يا عزوة على النقل

[%عــــــزوة %]

المشاركة الأصلية كتبت بواسطة m7sn al3jmi

صح لسانش ولسان شاعرها


لاهنتي يا عزوة على النقل

صح بدنك _ ولاهنت على التواجد دايم في متصفحي ..

[‏• فِرِِقِآإڪ خِيرِِهِہ ©]

صح لسانش ولسان شاعرها


لاهنتي يا عزوة على النقل

[تركي الميموني]

صح لسان شاعرها

والله يرحمنا برحمته

تسلم ايدك عزوه على نقل

الدره الشعريه ابدعتي وبانتظار الجديد

تقبلي مروري

[%عــــــزوة %]

مرحبا فيك اخوي تركي ولاهنت على المرور المشرف