تصبح على خير

[العيطموس]

طيفك مسامرني وتصبح علـى خيـر
ماتدري أنك عندي أغلـى الطوايـف
ماخطيت في حقك وسقـت المعاذيـر
ومادامني ماخطيت ويش أنت شايـف
قلها على وضـح النقـى دون تبريـر
وأكيـد مابينـي وبينـك كـلايـف
أن كانهـا بالـحـب والله ماغـيـر
حبك سكن بيـن الضلـوع النحايـف
وان جيتنـي تلقـى معـزه وتقديـر
وان غبت عني ذقت مـر الحسايـف
يامـا علشانـك طويـت المشاويـر
وياما رفعت الصوت فـوق النوايـف
أمرك علي مطـاع ولعينـك يصيـر
لو سقت روحي جعلها لـك خلايـف
يامعطـي الدنيـا بشوفـك تباشـيـر
العمـر رحلـة والليالـي ردايــف
عبرت لك من صادق الحـب
تعبيـر وكتبت لأجلك مـن جـداد الطرايـف
هذا هـو إحساسـي الأول والأخيـر
خليت لـك شـرد القوافـي عسايـف
قلبـي علشانـك يحـب المحـاديـر
الغرب صار الشرق والشرق طايـف
بحر الخليـج اللـي يـدف البوابيـر
شرعـت لـه بابـاً بقلبـي مسايـف
وغصون قلبـي لايفتهـا المعاصيـر
وربيعهـا بيـن البحـر والحتـايـف
في دوحةُ في جوهـا يصـدح الطيـر
مصياف قلبي غيـر كـل المصايـف
الحص و اللولـو وزهـر النواويـر
وتفاحتيـنً مـع بعضهـن ولايــف
من شانه أزعل وأرخص الروح وأغير
ولاشفتهـا مـا للسعـادة وصايـف
أعيـش معهـا مبعـدً كـل تفكـيـر
صفحة غلاك تكف كـل الصحايـف




للمبدع الشاعر عبدالله بن راجس السبيعي



...