راكب اللي حجم ماطوره .. يغيض سيوره=ماتهندس فيه ياباني ولا الألماني
صمموه الليّ .. خذو لا أجله دروس .. ودوره=لين صار أستايله .. ثاني وعالم ثاني
كنّ حسّ محركاته .. لا أشتغل ماطوره=جادلٍ يهمس بصوتٍ .. يقصره بالعاني
ويش أوصف فيه .. من بديّه ومن ديكوره=لا أعترض لي .. قلت بسم الله .. ماشاء الله كاني
إنّ نطحتّه .. شفت نورٍ ينبعث من نوره=وأنّ قفيته .. يعطيّ أسطبّه .. ثلاث الواني
لا نتهض .. مقدم جنابه قلت : قايد ثوره=ولاخذى عزمه .. طموحٍ من هله زعلاني
وإنّ ركبته قلت كنيّ .. عضوّ مجلس شوره=أو خوّي مقربٍ للفيصلي .. سلطاني
هيبته حتّى بتسميتّه .. تقول أسطوره=توّ كبوتّه .. شعار .. وبابه الوراني
رنج روفر .. فور ويل .. وهندسه مغموره=هيدروليك .. وبرمجة شاشه .. وماجلاني
كاسحٍ لونه بياض .. وشعشعت بلوّره=وداخليّه بيج .. حتّى .. قبضّة السكّاني
لا أشتغل ومسجلّه يطرب .. على أبو نوره=كلّ ماغنىّ بصوت ( أبعاد ) زاد أجناني
منوّة الليّ مستضيق .. وطالعٍ من طوره=لا طراله غاليٍ .. في ضاحيّة بن ثاني
دقّ سلفه .. وأنجلى همّه .. وزان أشعوره=عقب غلاقّة ضحى .. وأعصير .. ومسيّاني
الله اكبر .. كلّ ماأشتقته .. وجيت أزوره=صار قاصي راهي الطرقه .. بعيني داني
يوم أجيه وماضي الذكرى .. يعيد أحضوره=يلتهب شوق الضلوع .. وينحني شرياني
أطرقٍ .. جامع خصال الزين .. صوت وصوره=ذرب طبع .. وقبلته قبله .. وشانه شاني
كلّ ما يغضي بسودٍ .. عكشّها مخطوره=شفت بأحوّرها أسيوف .. وملحمة فرساني
يبعد أعماسي .. بسجّاتٍ عليّ محظوره=يابعد ليلٍ مساريّه .. يزيد أحزاني
والله إنيّ يوم أجيك وغايتي مسروره=كنيّ مرشّح لحكم .. وفارق أستبياني
دام حبّك يالغلا دوله .. وأنا دستوره=رح تسيّد في حشاي .. ومجلسك وجداني
ودامك أوّل من نزل قلبيّ .. وسيّس سوره=ليه .. ماأعيّد وقربك في حمى حدانيّ
ياشعورٍ لاكتبته .. ماخذل جمهوره=يوم أغيّب فيه .. وأفكاري وقار الحاني
لين أصوّر كلّ بيتٍ .. في جمالك صوره=وعقبها ماني بشاني منك .. صح الساني
وسلامتكم
للشاعر فالح بن قشعم
06-09-2004, 03:54 PM
العرض العادي
