مشكور يالي بأحاسيسي تسليت
.................................... وانا على نيتي ماشي بلا حساب
غرقتني في بحر حبك وصديت
.................................... وعلمتني ويش معنى الحب غلاب
زدت بغيابك وانا بحبك تماديت
....................................... والقلب من كثر ما يشتاق لـك ذاب
تدري وش اللي بعد فرقاك خاويـت
.................................... خاويت ليل (ن) يشيب رمش الاهداب
كنت أحسبك مثل طنب البيـت للبيـت
.................................. والبيت ماهو ببيت ابدون الاطناب
ماصرت بيت (ن) ولا اطناب(ن) ولا وفيت
................................. وبانت خوافيك وشفت بعيني الناب
البارحه هاج بي شوق ومريت
..................................... ذاك المكان الذي صرنا به أحبـاب
شفتك بعيني مع واحد وهديت
................................ واسمعك تحكي وحكيك كله عتاب
تقول قلي حبيبي وش به اخطيت
.................................. عشان تبعد وتهديني هالغياب
ماتدري انه يخلي الحي ذا ميت
.................................لكنه ميت(ن) بلا اكفان (ن) ولا تراب
وماتدري اني ثلاث ايام ماامسيت
................................ ما بين همـن ودمـع يهـل سكّـاب
وحطيت عيني بعينه ثمن اقفيت
.............................. وأنا من اللي حصلـي منـه منصـاب
صفقت كف بكف وقلـت يـا ليـت
............................. من قبـل ذا مـا فتحنـا للهوى بـاب
او ليتني يامنتدى العجمان ماتعنيت
........................... وخليت شوقي على ماقيل شباب
المشكله ماذكر اني مره ادنيت
.................... قدره وكم يرخص إله إرقاب وإرقاب
لا هنت قله ثلاث اشهور وعديت
.......................... والنوم مره يصيب ومره ماصاب
ولا هنت قله عن العالم تخليت
......................... وخط الخبر صارلي اعز الاصحاب
اهــ ياشينها لا صنت وحبيت
.......................... واللي تحبه تسلابك بلا اسباب
مشكور يالي بأحاسيسي تسليت
.......................وانا على نيتي ماشي بلا حساب
وسلامتكم
02-03-2010, 08:07 PM
العرض العادي
