الجبلان يسجلون مفخرة من مفاخر قبيلة مطير (معركة صواب ، معركة الأخيضر)

[الذوادي المقلدي]

معركة صواب

قصة غزو الجبلان من مطير على عنزه في مكان اسمه صواب يقع حاليا شرق الاردن وسبب ذكرها بانها اخذت وقتا طويلا ثلاثة اشهر روحه وثلاثة اشهر رجعه نظرا لبعد المسافه والقصه وما فيها بان الجبلان غزو على عنزه واخذو حلالهم ورجعو الى اهلهم وعندما علم مطلق الديدب شيخ العمارات من قبيلة عنزه قال ان مسكت بن لامي امير الجبلان قتلته وعندما سمع بن لامي امير الجبلان هاذا الكلام قال لربعه الجبلان غزينا شمال قالوله وين يابو سفاح قال شمال ثم قال رجل من الجبلان والله مايردكم الا عنزه يقصد بان ابن لامي ناوي لعنزه وفعلا قطعوا المسافه وصبحوا عنزه في شعيب صواب وكان ابن لامي يقصد من ذالك قتل مطلق الديدب أحد شيخ العمارات ونظرا لان الجبلان فخذ من مطير وهم قلة بالنسبه لقبيلة عنزه الكبيره فقد قطع ابن لامي عنزه وفصل فخذي شلخان وصقور عن باقي قبيلة عنزه حتى لاينذرو باقي القبيله وقد هرب الشيخ مطلق الديدب وصبحوا الجبلان فخذي عنزه واخذو حلالهم ورجعوا الى اهلهم في الصمان.
وقد قال صاهود بن لامي في ذالك :

غزيت انا ياعبيد بهـلال عاشـور=اول صفـر والتـوم كلـه تمامـي
ثلاثة اشهر فوقهـن تقـل ناطـور=مع مثلهن ماشفـت زاه الوشامـي
كم فاطر من نيهـا تزعـج الكـور=تفصم مضاريس الرسن والخطامي
واليوم دوك ذراعها لاحن الـزور=مثل الغشين الـي طـواه الهيامـي
يذكر لنا ياعبيد شلخـان وصقـور=بيسر شعيب صواب ذيك الزوامـي
صبح اربع من يم عرعر وبا القور=حمـر تناسـع بالنشامـى همامـي
ندوسهم ياعبيد مـع شقـت النـور=كما يدوس الجول فـرخ القطامـي
ولونها في مطلـق قاسـي الشـور=هذيك هي الـي عليهـا السنامـي
وعنا تنحـا بالقبيسـه ورا الهـور=نـوخ منـاخ معقليـن الجهـامـي
ومن طال عمره ماقصرتوه بنـذور=ون ساعفة ياعبيد وهـب الولامـي
ويا ماحلا جيب المغاتيـر دعثـور=من فوق حمر تقل جـول النعامـي
وعلم نطرشبه فهد هـو ومنصـور=ووفايتـه تنهـج شمـال ويـامـي
لعيون من قرنه على المتن منثـور=وقذيلتـه تشـدي لريـش النعامـي
بربعي مهديت الصعب كل مصطور=بصمعن مضاربهن تقص العظامـي

---

---

---

معركة الأخيضر

وبعدها غزى صاهود بن لامي مرة أخرى على عنزه في الشمال وقابلهم ووذبح مطلق الديدب وهزم عنزه هزيمة نكراء في الأخيضر ...
قال محمد الرشيدي وهو من المصاحبين لبن لامي بعد غزوة صاهود الثانيه على العنوز..

ثلاثة اشهر مع هل السيف عاديـن=الهجن كمل نيهـن والجهـد بـاد
يتلن ابو سفـاح سقـم المعاديـن=الحر الاشقر لابرق الريش صيـاد
وغرنا على عناز برضن بعيديـن=يم الاخيضر ويم ديـران الابعـاد
وغرنا على عناز برضن بعيديـن=يم الاخيضر ويم ديـران الابعـاد
الديدب اللي يذكرونه غـدى ويـن=غدى عشا للذيب في يـوم لاعـاد
وغرنا على بوش طلع بين حزمين=بأيمـن جلاديـه خذينالـهـا اذواد
وصارت نكيفتنا على بلـدة العيـن=في حاجة الزهبه وفي حاجة الزاد
والشيخ بيع فـي بريـده بعاريـن=وقسم علينا أثمانهن جوز وافـراد
ثمن ركبنا من هل العيـن عـادين=وحط ابن لامي دار الاجناب ميعاد
سقنا ونوخنـا للاجنـاب يوميـن=وجاهم نذرنا واحتسونـا بمجـراد
وتهرجوا بالمنع عنـه امتراضيـن=عن ابن لامي نهضوا سلم الاجواد
تحاقرونـا يـوم حنـا شويـيـن=وحنا الشراب الكدر سمن للاكبـاد
والموت ماجنب رجالـن كثيريـن=الموت واحد وانفد الخلق مازتـاد
والضيغمي عود وربعـه معيفيـنب=الصمع طوعناه مثل ابـن مجـلاد
بغـوا ركايبنـا وحنـا معيـيـن=الجيش من دونه مداغيـش الاولاد
قعيمات من بد النحايـا ضريريـن=حريبهـم مايهتنـي النـوم برقـاد
هذا كلام الصدق والنـاس داريـن=واقطعك ياهرجه بلى صدق ووكاد

[color=#000099][align=justify]

وقبـر الديدب يسمى مكانه نقرة الديدب شرق الأردن مما يلي الأخيضر وهو معروف وكل من في تلك المنطقة يشهد بذلك ويقر بغزو بن لامي الشهير على عنزه وهزيمته لهم في عقر دارهم وذبحه لشيخهم
وقد زار الامير سلمان بن عبد العزيز آل سعود الاردن وقد كان مرافقا له الشاعر محمد خلف الخس المطيري واخبره بان مطير غزو على عنزه في هاذه المنطقه ولم يكن الامير مصدقا الى ان سالو رجلا كبير بالسن من عنزه وقاله الامير سلمان من جاكم من العرب قال العنزي ماجانا الا صاهود بن لامي امير الجبلان عند الجبل هاذا وكان يؤشر على جبل قريب منه .

---

أخوكم الذوادي المقلدي الجبلي العلوي المطيري