[ مآت إبوي وكلنآ حزة طلوع الروح حوله / قبل ذآك اليوم يبدآ ليله ويقفي نهآرهـ ..!

[ربيبة تميم]

مجآرآة الشآعره أسمآء البرآهيم

لمرثيه نآصر الفرآعنه في ولده وهي بوآلدهآ رحمه الله ~


/

كل حيٍ قبل يعلن مولده ساعة وصوله=منـكتب في صفحة الاموات ســاعة احتـضاره

في جسدنا الروح دين ويــرسل الـداين رسوله= لاوجــب وقت الســداد ودقة الموعد شعاره !!

مات ابـوي وكــلنا حــزة طلــوع الــروح حــوله= قــبل ذاك اليــوم يبــدا ليــله ويقــفــي نهــاره

شيخ طاعــن بالــعمر ينبيك عن عمره ذبــوله=اثـــقل الـتاريــخ حمــله ثــم ســاهم بانهيــاره

كان في زولـه مــهابه , فـارهٍ عــرضه وطــوله= ومن سلامة قلبه الطـيب علة وجــهه نضــاره

فيــه حلــم وفيــه ديـنٍ يكفــي لســكان دوله=بانـيٍ دون المعــاصي حصــنٍ مْعــلي جــداره

تاجرٍ لا الليــل ارخــى دون خلــق الله ســدوله=واستتر في ظلمته عنهم , توصــى بالتــجـاره

راس مــاله مــصحفٍ وقيــام ليـلٍ وشــهدولــه= في مصلى الطهر سقفه وارضه وحتى جداره

والخشوع ودمعــــه اللــي رافــعٍ قـدره نزولــه=والطهاره في جسده اللي همت فوق الطهاره

عنـد بيبان المســاجد تخبـــر القــادم نعـــولــه= ان قــبلك فــيه مــن لا تنتــزع مــنه الصــداره

ماتعــلل بالمشيب وضـعف شـوفه او رجـــوله= يسبق المذن بساعه حاسب حساب اقــتداره

ماسكٍ بيده عصـــاه وارمــيٍ فـــوقه حــموله=تاره يشيل العصــى ثــم العــصى يـرفده تاره

وان دخل بيـته يشــع النــور كــله مع دخــوله=ماتقـــول الا اشعــة كــوكبٍ حــال انشــطاره

بالحــنان اعــظم حنون وبالرجوله خـــذ رجوله= لــيـنٍ سمــحٍ حــكــيمٍ مــا يُـــرى الا قـــراره

بالمــكانه والنــسب والــطيب مــاحيٍ يطـوله=وبالعطا تخفــي يمينــه ما تمــده عن يســاره

فيه مالا استــطيع انــي احــصره فـي مقوله=ذا وانا ماجيت ســره , ماذكــرت الا جــهاره !!

ياوجودي ياعذاب القلب – بَعــــــده – ياذهوله= اوجس بوسط الحشا مـن يـوم ودعــته حراره

وين ابلقا صــدر حانــي ويــن ابلقا مـــثل زوله=هو مجير القلــب لامــنه شكا ثــم استــجاره

من يسكن فيّ روعي لاغدت روحي جفــوله=من صواديف الزمــان اللــي يجرعني مــراره

بعــدك الــدنيــــا ظــلام وللــعنا دور البطــوله= في حياتـي , ياعــمار العــمر كــله ياعــماره

اليتيــمه مــن بعــدْك تحــن لايــام الطــفوله= يوم بشتك دون وحـشت كونها مثل الســتاره

ادري ان الموت حـق ولكن استصعب قبــوله= ذا ابوي , وموت ابـوي اخلف موازين الخساره

ياكفــن ياكــبر حــظـك يــوم لــفو بك نحــوله= وانعكـس نــوره علــيك وزادك سطــوعٍ وقاره

وانت يالقبر الــــذي نــوخ بك الــغالي ذلــوله=افتــــخــر كل المــدى حولك تمنى هالـزياره

وياعزيزٍ كل خلقه رهــــبه وطــوع سجــدوله= اسألك باسمائك الحسنــى تعــجل بالبشاره

وامنّــه يــوم الفــزع لاحــان ياربـــي مثــوله=بين ايدينك واكرمه وارحم خضوعه اونكساره

واجعل الفردوس الاعلى هو جزاه اللي ينوله=يرتوي مــن سلسبيله ويْتــمتع فـي خضاره

واجبر الكسر الذي خـلّف بروحــي بعـد افوله=له ثلاث سنين فوق العشر ماحــان انجــباره

[قرناس العازمي]

صح السانك وطاااب منقوولكـ ولاهنتي

[زينه]

يعطيش العافيه عالابيات الروعه ,,,

وصح لسانش ولسان شاعرها ,,

لاهنتي ,,,

[شمس المحبهً]

صح لسانها والله يرحم ابوها

[@بنت العز ما تنهز@]

اليتيمه من بعدْك تحن لايام الطفوله
يوم بشتك دون وحشت كونها مثل الستاره

ادري ان الموت حق ولكن استصعب قبوله
ذا ابوي , وموت ابوي اخلف موازين الخساره


أبيات مؤثرة جدا

الله يرحمة ويسكنة الجنة ويطول بعمار شيبانا يارب



نقل مميز تسلمين يالغالية

[ديقول22]

صح السانك وطاااب منقوولكـ ولاهنتي

[الشيخه 2009]

يعطيك العافيه خوش قصيده

[شّيهـًــانُـــهً~]

وان دخل بيته يشع النور كله مع دخوله
ماتقول الا اشعة كوكبٍ حال انشطاره

بالحنان اعظم حنون وبالرجوله خذ رجوله
لينٍ سمحٍ حكيمٍ ما يُرى الا قراره



قصيده جزله ومؤثره
صح لسااان الشاعره اسماء
وتسلمين على النقل الطيب