قصيدة الذيب لشاعر درويش بن هادي السريعي

[صافي المشاعر]

يا أخواني تحملوني اليوم الذيب مسبب لي معانه ويقول لازم تنشرني



القصيدة عبارة عن حوار بين الشاعر وبين الذيب ففي ايامهم لاتخلو الحياه من المشاكل

والفقر والجوع والخوف وايضا الحيوانات المفترسة ومنها الذئاب محل القصيدة حيث كانت

تغار هذه الذئاب على الحلال وتاخذ منه ماكتب الله وهناك ذيب لم يستطعو يقتلونه يقولون

له المحترب الى ان قتله محمد ابن الشاعر والشاعر في هذه القصيدة يحكي هذه القصة

فقصيدة تدور بينه وبين الذيب وابنه الشجاع محمد الذي عثا في هذه الذئاب قتلا

فيقول الشاعر ...



يالله ياللـي كـل عيـن تـروقـه ... يـاللـي علـى خلقـه رقيب ونظـار

ياخالق ابـن ادم وزيـن خـلوقـه ... هبـا لــه لسـان فصيـح والابصـار

ماندعـي الا اياه عند المضوقـه ... سهل دروب العبد من حيث ماسار

قد هاضني للقاف والوي طروقه ... الذيب والبندق في شر الاشـرار

ياذيب ياللي طال عمرك صفوقه ... عذبت نفسك في الليالي والانهار

عذبت نفسك كل بادي شروقه ... والليل تسري في ظلامه والاعذار

فقـال يـادرويـش عينـي رموقـه ... لمـا عديـت اقفيـت مـانـي بـدوار

نضوي على البدوان مغوي طروقه ... وانا جري ماني انصاد وانذار

ماخفت ممـن شـاف زلـي خلوقـه ... الا مـن البنـدق وراعيـه ليـا سـار

ماتقـرح الا قـد لـوا نـي شعوقـه ... واقد وشل الدم على يدي قطار

اخاف مـن غمـر يـزيـن سحوقـه ... في يده فرنجيه وفي جوفها نـار

كم حايل من الضان نمزع حلوقه ... نـاكـل شحمهـا مـاشرينـا بدينـار

فقلتلـه عـز الـلـه انـك سـروقـه ... تـاكـل حرام ومااسويت فـي النـار

ياليت من مسك بحنوى فتوقـه ... ياليت من مسكك ولـه فيـك الاقـدار

فقـال يـادرويـش مافيـك طوقـه ... سـل لا تكثـر فـي الحكايـا وهـدار

ارقـد ونـوم الليـل يـاتـي دلوقـه ... علـى فـراش لـك وزد قطـب الــدار

والا فنـوم الليـل مــاحــن نذوقـه ... نسـري ليمـا دلهـم الليــل باغــدار

هو قد نسيتو يوم صوتك شعوقه ... خذيت اربعة من بهمكم من ورا الدار

فقلـت لـه عـز الـلـه انـك سـروقـه ... تـتـبـع بـغـرتـنـا ولـلـبـهـم غــدار

يابوعلـي عـار عليك انـك تعوقـه ... ماعندنا للذيـب شـيء غيـر بضـار

يسلـم محمـد مـايهنيـك ذوقـه ... عشريـن ذيـب اللـي سحبنـا ورا الــدار

يالمحترب واخوانها للي تشوقه ... والحمـد لـلـه يــوم لـزمتـك الاقـــدار

تـر ديننا عسر علـى مـن يروقـه ... مـانـاخـذ الا الــدم ولافـيـه الاعــذار

هـذا وطلبت من نظر فـي خلوقـه ... وصلو علـى اللـي لـه الحجـاج زوار


منقول

[قرناس العازمي]

قصايد رووعه ماشاءالله

صح السانك ولاهنت