|
قصيدة حصلت على المركز الاول فى الخليج
أسعد الله اوقاتكم جميعا...
رائعه من روائع الشاعر المرحوم / سليمان الهويدى
عشقت القمر حيث القمر ينبعث به نور =واخص الليالي البيض تزهاه ويزهنه
واحب الهوى لاهب من خايع ممطور=وريح النفل حيث النفل طيب الخنه
واحب الجمالة والجمالة عمل مبرور=واحب الغناه وأعز نفسي عن المنه
واحب الصراحة والصراحة بها مسرور=حيث الصراحة تقطع الشك والظنه
واحب الكريم اللي يفرج عن المعسور=ليا من عطى حتى اهله ما دروا عنه
احب الرجال العارفه واكره المغرور=من اغتر في بعض المظاهر يغرنه
سقا الله ليال ماضية قبل هدم السور=نحفر العدود ونشرب الماء من الشنه
نشوف البنات اليا اوردن كنهن الحور=مهار مشاويلن بالاعياد معتنه
يوم الذهب ما يلبسونه بدون خصور = جمال النساء ما هو من السوق يشرنه
على الماء تشوف بيوتهم كنهن القور=كثير القبايل تقطن العد بالكنه
على البال ذكراها ياليت الليالي ا دور=ياليت الليالي ما خذنه يجيبنه
تذكرت شيبان لنا يوم حنا بزور=يحثوننا بالطيب والفرض والسنة
و عاشوا حياةٍ قاسية في بحر وبرور=عسى الله يعوضهم بما فات بالجنة
ول دورن مضى من بينهم وين ذاك الدور=زمانٍ مضى له ذكريات يحلنه
فقدنا حياة البدو مع شوفة المظهور=ولا عاد به بدوٍ ولا الطرش له حنه
سليمان الهويدي
__________________
إذا المـرء لا يرعـاك إلا تكلـفـاً=فدعـه ولا تكثـر عليـه التأسـفـا
ففي الناس أبدال وفي الترك راحـة=وفي القلب صبر للحبيب ولـو جفـا
فما كل مـن تهـواه يهـواك قلبـه=ولا كل من صافيته لـك قـد صفـا
سلام على الدنيا إذا لم يكن بها صديق=صـدوق صـادق الوعـد منصـفـا
التعديل الأخير تم بواسطة عـزام ; 30-08-2004 الساعة 06:00 AM
|
30-08-2004, 07:21 AM
العرض العادي
