ولا تزعل أقرب بني عمـك وتخسرهـا // حمـدان المـري

[FDeeTK]

مـن دون مقدمــات اتركــم مـع الابـداع

حتى أنت....؟ بانت نواياك وتصاغرتك=وانا اللـي أبـروز علومـك واكبرهـا
خاويتني وانتهـض راسـي وناصرتـك=وهزيت لأسمك هل الطيـب ومنابرهـا
ونقلت حملـك علـى متنـي وسايرتـك=وخاويت بك نقـوة العربـان واخيرهـا
وعلمتـك بقيمـة الرفقـه وصقـرتـك=وازريت اغطي عذاريبـك وتضهرهـا
أستصغروك أقرب اصحابـك وكبرتـك=وصغرتهـا ليـن خليتـك تصاغرهـا
أمـد يمينـي ليمينـك يـوم قـدرتـك=وتردهـا مـن ردا راسـك وتقصرهـا
والله ما أنت بمثل مـا أنـا تصورتـك=تلـد عينـك علـى العوجـا وتسبرهـا
ما أخترت أخاويك من رغبه ولا أخترتك=خسارة اسنين عمري فيـك وأشهرهـا
غلطان لو تحسب ان الأجواد خاسرتـك=بالعكس من تفقـدك مـا الله مخسرهـا
عاشرت غيرك على الدنيـا وعاشرتـك=ولا أنت أول اللي فقدت وجعلك آخرهـا
أحرقت كرت الصداقه وأحترق كرتـك=تسعه قضوا من حياتي وأنت عاشرهـا
ان ما حقرت العرب ما هيب حاقرتـك=ولا يمكن تعز شانـك وأنـت حاقرهـا
علمتـك العـام وقبـل العـام حذرتـك=أستـر عيوبـك مــدام الله ساتـرهـا
غـرورك يسوقـك لبيبـان مقبـرتـك=وتواضعك يرقب العليـا و (يضهرهـا)
لو مـا تغيـر طبـاع النفـس غيرتـك=وتواضع النـاس يغنـي مـن تكبرهـا
ثـلاث تتجـر بهـا ماهـي مخسرتـك=تجـارة" مـا تخيـب ظـن تاجـرهـا
نبـاك وأسمـك ورجـوا الله مغفرتـك=نصـرا" مـن الله كـان الله سخـرهـا
لا ترضي إعداك وتكسب من تحاقرتـك=ولا تزعل أقرب بني عمـك وتخسرهـا
وأقد على الطيب مـا رجلـك معثرتـك=واتعب علـى رفقـة الطيـب ودورهـا
ولا تذخر بوقفتـك والنـاس ذاخرتـك=أن كان فيها (مغـز أبـره) لا تذخرهـا
تـرا ثيـاب الـردا ماهيـب ساترتـك=ونقد الرياجيل يوجـع وانـت خابرهـا
لو تطلب الناس منـك فـوق مقدرتـك=أمــا تـحـزم لـهـا والا تعـذرهـا
ولا تعتذر من رخى ماهيـب عاذرتـك=ولا تقول ما اقدر عليها وانـت قادرهـا
طعني ولا عاد تطغـى فـي مكابرتـك=لا تموت الأنفس قبل تصحى ضمايرهـا
حاول في دنياك تعمـل شـي لأخرتـك=ما عقـب طـول العمـار الا مقابرهـا

وسلامتكــم


الشاعر المبدع // حمـدان المـري

[مجنونة مجنوني]

إبـــــــــــــداااااااع قســــــــم ..

<<< من معجبين شعر حمــــــــــدان ..

صح لســـان شــــــــاعرها .. وصح منقــولك ..

تقبل مروري أنـــــــا \\ مجنـــــــوونهـ \\

[بندر التركي]

حاول في دنياك تعمل شـي لأخرتـك
ما عقـب طـول العمـار الا مقابرهـا

الله الله

طبت وطاب منقولك

تحياتي لك

[فهيد بن سالم]

حجز ياحلو ّ

وراجع

[فلاح بن ملبز]

لله درك يا فديتك

وصح لسانك ولسان شاعرها

حمدان المري شاعر جزل وجميل

ولاهنت

[صافي المواري]

صح السانك والسانه

ابداع للامانه ...

ولاهنت

[عُــمَرْ بن خَــالِد]

.
غـرورك يسوقـك لبيبـان مقبرتـك
وتواضعك يرقب العليـا و (يضهرهـا)
لو ما تغيـر طبـاع النفـس غيرتـك
وتواضع النـاس يغنـي مـن تكبرهـا
.
.
.... إبــــــدااآآع / /
.
FdeetK لاهنت على النقل ..
وصح لسان شاعرها وصح منقولك . .

[رجـم بـذال]

عاشرت غيرك على الدنيـا وعاشرتـك
ولا أنت أول اللي فقدت وجعلك آخرها
أحرقت كرت الصداقه وأحترق كرتـك
تسعه قضوا من حياتي وأنـت عاشرهـا


هذا والله اللي سمح


صح لسان حمدان المري


ولاهنت على الاختيار المميز

[طرقا سبيع]

عاشرت غيرك على الدنيـا وعاشرتـك
ولا أنت أول اللي فقدت وجعلك آخرها
يالبيييييييهـ
أنشهد أنـه طـرح مطنوخ لشاعرن مطنوخ
.
لاهنت على ذا الاختيار الروـوعـه
.
جـعل يـومك يبـطي

[بنت الزعبي ..]

السلام عليكم ورحمة الله وبركاته

حاول في دنياك تعمل شـي لأخرتـك
ما عقـب طـول العمـار الا مقابرهـا



<<ياحبني له حمدان المرى

صح لسان كاتبها وناقلها

وتسلم يمناك ع الابداع فالاختيار الراقي والرايع

والله لا يحرمنا منك ولا من جديدك

تقبل حضورى المتواضع