الملعبه : سلمان بن ضيدان مع الشاعر فآلح المري ،،

[سلمان بن ضيدان]

السلام عليكم يالربع والله يمسيكم بالنور والسرور


هذي محاوره لي مع الشاعر الكبير / فآلح المري ،،


والبدايه كانت عنده ،،

فآلح المري :

الليله المعنى على روس النشاما حد موس = والحرب صِلب العرّب دقت للعرب ناقوسها
والشاعر اللي مايضد الروس باليوم العبوس = ماهو بعيب يدنّق لروس العرب ويبوسها

سلمان بن ضيدان :

الليله المعنى على رآسك وله عندي دروس = أما على مسحوبها ولاّ على منكوسها
يا شاعرٍ يلبس ولكن من قديمات اللبوس = عطنا علومك وأنتبه لأهل الرمك ونفوسها

فآلح المري :

أستغفر الله من وقوع الذنب بصغار النفوس = وأنا عيون بالجبال الراسيه وحبوسها
منتب قبيلي يا عميلي مير أخذ وضع الجلوس = ما بيني وبينك مسآفه مستحيل تقوسها

سلمان بن ضيدان :

اللي قعد في فيّته غير الذي وسط الشموس = مير الغريسه لا تشل اهمومها واغروسها
ماني قبيلك يومني شفتك سواة العيطموس = أحذر من اللي في يديني مارتخى نادوسها

فالح المري :

أخذ النصيحه والنصيحه ما تقدم بالفلوس = أهرب قبل شهب السباع تطيح بين اظروسها
يا صاحبي لو كان لي رجلٍ على الغارب تدوس = أحشم قدم رجلي عن أمثالك ودوست روسها

سلمان بن ضيدان :

لا والله ألا حستكم فالملعبه يا ويّ حوس = ضاعت نواياكم وضاعت من وراها طوسها
بعض العرب ليته قطع ولاّ خسا مثل العروس = في ليلةٍ ظلما وجاها من كتب له حوسها

فالح المري :

خسارتي بنّي مع شرواك عنيت الهجوس = وربحك وقوفي قدم نفسٍ ساقطٍ ناموسها
أبعتقك في شرط يا قلبٍ من الوقت امحموس = الأرض تحت أقدامي الثنتين قوم وبوسها

سلمان بن ضيدان :

خسارتي بنّي نشبت امعا السرابيت الهيوس = أزيَن لي أبعد عن سرابيت العرب وهيوسها
يا ليتها صارت بعد لين استوت حرب البسوس = في ذمتي ترحل وكبدك منطوي قاموسها

الرآبط :

http://www.hmalil.com/vb/showthread.php?t=2435

تقبلوا خآلص تحياتي ،،


.