ماكنت أصدق تصير قريب من عينـي
، ، ، ، ، حتى بالأحلام صعب أنـي أصدقهـا
بس الله جابك وصار البعـد مترينـي
، ، ، ، ، والعين في شوفتك محـدن يضايقهـا
ياسيدي وأنت أول من سكـن فينـي
، ، ، ، ، ياأمنيّـه ودي بالدنـيـا أحققـهـا
ذكـراك دايـم بعينـي ماتخليـنـي
، ، ، ، ، أشوفك بكل مغرب شمس ومشرقهـا
من يشبهك أنـت يـاورد البساتينـي
، ، ، ، ، كل أرض ماجيتها يبسـت حدايقهـا
أغليك وأرضـاك بالدنيـا يكفينـي
، ، ، ، ، بس أنت ترضى؟ جميع هالناس أبحرقها
غلاك ماهوب لـه يومـن ويومينـي
، ، ، ، ، من مبطي والروح بين يديك سارقهـا
هو أنت لاحظت يوم أنـك تماشينـي
، ، ، ، ، وشلون رجلي على ممشـاك سايقهـا
ماغير أحاتيك مـن ناسـن مجانينـي
، ، ، ، ، عيني تراعيـك والدمعـات خانقهـا
لاتحسب أنـي خلـي والله معافينـي
، ، ، ، ، مر الليالـي سبـب فرقـاك ذايقهـا
ماكنت أصدق أشوفك أنت في عينـي
، ، ، ، ، حتـى بالأحـلام والله ماأصدقـــــــــهـا
، ، ، ، حتـى بالأحـلام والله ماأصدقـــــهـا
، ، ، حتى بالأحـلام والله ماأصدقــهـا
، ، حتى بالأحلام والله ماأصدقها
، ، ، ، ، منقول ، ، ، ، ،
05-11-2009, 06:26 PM
العرض العادي
