هية ساره على الحباب وقتل شيخهم ابن معيوف

[ناصر ال مهذل]

اليوم انقل لكم سالفة هية ساره وهي كما سمعتها من الشيبان

هذولا ال الشريف من الحباب من قحطان وهم محادين ال حمد ابن فاضل من قبله من شمال ويوم جا سنة من السنين ويحلون في ساره تعرفونها ورا الخضاره ويقومون ال دغيش وال معهم من ال حمد ابن فاضل ويصبحونهم وتدور المعركة بين الطرفين وكان النصر المؤزر فيها لال دغيش واللي معهم من ال حمد ابن فاضل ويشددون ال الشريف منها ويقصد علي ابن صالح اخو المنقوش وهو ذابحن ابن معيوف في الهيه من شيوخ ال الشريف وقال ابيات حفظت بعضها ومنها يقول :

ليت يا زين وانك راس رجم(ن) تخيلنا ==يوم حلق على ساره ملاح(ن) وخفانـي

وقصيدته الثانيه في ناقته الحق في تاليها بعض ابيات في الهية يقول فيها:

يا هيه يا شبـه المهـا الريميـة==ياللي بربعك في الكـلام تمـاري


ليتـك تخيلـنـا ورى حجـيـه==يوم الدخن من فوق سارة ثـاري


ابن معيـوف(ن) مقـدم المغزيـه==ذيب(ن) على عدي المغازي ضاري


عقته ووانا اللي ما انطح الرديـه==كم واحد(ن) من فعلنـا مغتـاري

المصدر موقع xxxx