ياليتك قبل تجفاني بديـت بجرحٍ ما ينطاق && عشان اضمّده بموادعك واكون انا الجافي

االزاروق · #1 18-09-2009, 11:13 AM

ودار بْنا الزمن .. واصبحت ادوّر لـك وانـا مشتـاق
((بعد ماكنت)) بيْدك تغترف .. من شوقـي الصافـي

عجزت .. اقول: راح .. وروحتك ماهيب.. بالطّقّـاق
لا والله .. بالسّلامه .. ولاانـا ((مانـي بمتعافـي))

((ياليتك)) قبل تجفاني .. بديـت بجـرحٍ مـا ينطـاق
عشان اضمّـده بموادعـك .. واكـون انـا الجافـي

لكنْ حطّيتني بالموقف .. ((اللي ما يتعب العشـاق))
انا وشلون اذمّك .؟! واحقرك .؟! وانا اخبرك وافي .؟!

((هنا)) الحزن العظيم اللي .. ما تجتثه دموع احـداق
وهنا ياسي .. مـن انّـك تنتبـه وتعـاود انصافـي

وقفـت العـام الاوّل كلّبـوه .. ولا ثنيـت الـسّـاق
على سكة رجوعك ..(( وآتعزّز)) ما انشـد اللافـي

((اخاف انشد)) .. ولا القالي جواب .. يطمّن الخفـاق
واضيف الحمل فوق الحمل الاول .. وانهـك اكتافـي

أمانه .. لو وصلّك شـيّ ((عنّـي)) قـدّم الاخـلاق
بجملة ((ماعلـيّ خـلاف طيّـب)) واحتـدي قافـي

مادام انّي جمعتك ذكريات .. الين ((صـدري ضـاق))
بشقّ الصّدر .. ((واستأصِلْك منّي)) .. والله الشافـي

وبقصّك من ضلوعي .. والصْقِك في ((تالف الاوراق))
واشوفك قدم عينـي .. تندثـر واستعـذب إجحافـي

.
عبداللطيـف الغامـدي