حنا العرب خالد الفيصل

[ذيب الخبر]

[COLOR="Red"]_____________________

حنا العرب

حنا العرب يــا مدعين العروبة
وحنا هل التوحيد وانتم له اجناب

وحنا شروق المجد وانتم غروبه
وحنا هل التاريخ و أنتم به أغراب

يوم الفقر شلتوا علينا عيوبه
واليوم عقب النفط جيتوا لنا أنساب

ويوم الفقر فينا البداوة سبوبة
واليوم صرتوا مثلنا بدو واعراب

لو الهوى منكم منعتم هبوبه
لا شك رزاق الملا رب الأرباب

و لو المطرمنكم منعتم صبوبه
لا شك رزق الخلق من عند وهاب

جيش الحسد سقتوا علينا حروبه
كل يبي يزرع على جسمنا ناب

حرب على المحسن تراها عقوبة
بالله عساكم ما تفيدون حراب

ياما عطينا ما ندور مثوبه
الا من اللى من ترجاه ما خاب

و ياما نصرنا صاحب ضيقوا به
عاداتنا نقدم الى ما لردى هاب

و ياما نصانا من تعثر دروبه
يدخل حمانا من تعذرها الأصحاب

حنا بنينا دارنا من طيوبه
وانتم سلبتوا داركم كل ما طاب

الله سقانا من بحرنا عذوبه
وانهاركم مثل البحر هدر تنساب

حنا زرعنا الحب بارض خصوبه
وأنتم زرعتوا كره الأجيال بتراب

وحنا دعينا السلم نوبه ونوبه
وانتم حمام السلم بعتوه بغراب

يا من دعا للحرب ما ادراك خطوبه
لا تحسب أن الحرب تهديد وخطاب

من شب نار الحرب يصلى شبوبه
ومن ثور الفتنة تعرض للأسباب

ما يستر الرجال ملبوس ثوبه
الدين وافعال الكرامة له ثياب


لعلها تنال على اعجابكم[/color]

[مطنوخ خلقه]

حنا العرب يــا مدعين العروبة
وحنا هل التوحيد وانتم له اجناب


لاهنت علي النقل المميز

[سلمان بن ضيدان]

لا هنت على النقل

وصح لسانك ياالشاعر الأمير

وتقبل مروري ..

[**عافكـ الخاطر**]

هنت على النقل

وصح لسانك يالشاعر الامير

[نسل الطويل]

كبير الفيصل

في ردوده العاديه او في شعره



لاهنت

[ذيب الخبر]

مرحبااااااااا بل جميع


مشكورين على مروركم الطيب


والله يعطيكم العافيه

على كل حال

[najla86]

يعطيك مليون عافيه عالانتقاء والنقل المميز

[ذيب الخبر]

مرحباااااااا بس يانجلاء


والله يعطيس مليونين عافيه ^ـ^


ولاتحرمينا من الطله الحلوه

[بنت الزعبي ..]

هالله هالله لا هنت ع الاختيار ع الذوق

صح لسان كاتبها وناقلها

والله لا يحرمنا منك ولا من جديدك


تقبل حضورى المتواضع

[القحطأني]

عاداتنا نقدم الى ما لردى هاب
((عاداتنا نقدم الى ما الردي هــأب))
للتوضح طال عمرك
ياخوي القصيده من كانت موجهه له