توضيح بسيط لشخصية مضروب

[بدر الساخر]

السلام عليكم ورحمة الله وبركاتة

التوضيح او الاعتراف الي بذكره هنا ..يمكن ما يهم الكثير من اعضاء المنتدى

قليل تقريباً الي راح يذكر !

الي متأكد انهم ما نسوه هم :

عبق اجدادي .. راكان الفارس .. وردة العجمان.. الوفاء ..انتحار (الي انتحر خلاص)..ويمكن غيرهم

انا زي ما ذكرت قبل .. كنت اشارك في المنتدى من ثلاث سنوات مضت او اكثر ..لكن :

بمعرف مختلف وشخصية مختلفة عن مضروب 100 % ..
وهذا سبب ان محد قدر يتعرف على شخصيتي..
وكنت متعمد..ابي اشوف احد يقدر يكتشف الشي هذا.كنت متوقع (عبق اجدادي) .لكن :

الضاهر انه ما انتبه او ما ركز ... لانه كان اكثر متابع لمقالاتي القديمه !

انا راح ابين اسم المعرف القديم وابي اشوف ردة الفعل

اذا احد يعرف هالشخصية وما ذكرت اسمه ..يا ليت يقوللي انه يذكر هالمعرف

بس قبل :

بصراحة انا كنت مختار (مضروب على قلبه) بس غيرتها في اللحضة الاخيرة الى ( على عينه)

والسبب خاص يرجع الى امور استراتيجية

اسلوب مضروب (هو) آخر اساليبي الكتابية المبتكرة .. اسلوب ساخر

ومن الملاحظ اني نجحت فيه اكثر من اي اسلوب ثاني !

رحلة قلم : كانت بإسلوب ساخر بحت

في ضيافتنا : اعتمدت الإسلوب الفلسفي

المعرف القديم : كان بإسلوب فلسفي علمي ..وهو اعتبره اجمل اساليبي الكتابية ..لكن :

احسه فشل في جذب الناس إليه ..والسبب ان الناس ملة من الحقيقة والاسلوب الدارج

مضروب .. كان الحل بإسلوبه المبتكر الظريف ..
و جمعت فيه الفلسفة والمقالات العلميه ودمجتهم بإسلوب ساخر يشد القارئ مهما كان توجهه !

وبلغة يفهمها الجميع .. سواء متعلم او جاهل !

الحقيقة :

تلقيت عروض عديدة للكتابة في مواقع صحفية اكترونية ومنتيدات مشهورة كثير ..آخرها :

دعوة من رئيس منتدى (الساخر) .. ودعوة اخرى من الاخ (نايف نجد) مدير موقع (حارة المساطيل)

ومنتديات أخرى كثيرة .. بعضها نزلت فيها مقال واحد بس ! ..

كان منها مقال واحد انتشر في السعودية وحتى انه صار ينسب لناس غيري مع بعض التغيير

وهو مقال ( مملكة الصبّة والتحويلات) .. وكنت فيه اتطرق قضية الحواجز الاسمنتية المنتشرة في
البلد..ولي سببت حوادث كثير و وفيات اكثر من قضية الارهاب والتفجيرات..والتحويلات الي ما تنتهي

.....

وكل هالعروض صارت في فترة بسيطة واهي بداية (مضروب) فشاركت بمقالات بسيطة بكذا منتدى
من باب التجربة فقط .. وبعد ما حددت توجهي .. رجعت لمنتدى العجمان ..بين هلي وربعي الي
حقهم اوجب علي من اي منتدى ثاني !

ورفضت كل هالعروض لسبب واحد .. انني كاتب هاوي لا احب الإلتزام..ولدي مشاريعي الخاصة ! ..

واذا كان عندي وقت .. راح استثمره فقط في الكتابة ..هنا : في منتدى العجمان

واذا فيه احد يهمني امره فهو ربعي وبني عمي الي افديهم بروحي وبسخر كل افكاري الادبية
مستقبلاً في خدمة منتدى (العجمان)..وامنيتي اني اشوف كل شاب عجمي مثقف وراعي دين

بعد هالإعتراف البسيط ... راح اغيب شوي

ومع رمضان ان شاء الله راح يكون مشاركتي لا تتعدى الخيمة (الرمضانية) ..وموضوع(رمضانيات)

وفيه راح اركز بإسلوب ساخر على العادات السيئة في الشهر الفضيل !

.....

في النهاية اشكر كل من تابع ويتابع كتاباتي..
ولولاكم والله ما اجتهدة بكتابة حرف واحد لا من قبل ولا الحين !

واذا احد في خاطره شئ ولا مو معجبه شي في شخصيتي يا ليت يواجهني ولا يستحي

واقبل النقد سواء عام او في الخاص .. ومنكم ومن ارائكم انا احسن مستواي وطور نفسي


تحياتي للجميع بدون استثناء

....

نسيت اذكر معرفي القديم

إلي ما يعرفه ويهمه يعرف تقدرون تسألون اي واحد من الاسماء الي ذكرتها فوق

انا

.
.
.
.
.
.
.
.
.
.
.
.
.
.
.
.
.
.
.
.
.
.



(AgMi.cOm)

[صوت القلوب]

وعليكم السلام ورحمة الله وبركاته

أخوي مضروب أنت ناجح على كل المستويات على الأقل من رايي أنا

دعواتي لك بالتوفيق

المعرف القديم كنت متوقعتك نك نيم ثاني لأني رجعت أحوس بالقلم أشوف مواضيع قديمة

وتوقعتك واحد ثاني

بس تدري مضروب على قلبه أحلى ..!

مبارك عليك الشهر وتقبل الله صيامنا وقيامنا

في حفظ الرحمن

[خير !!]

وعليكم السلام ورحمة الله وبركاته


للامانه يا مضروب انت من الاقلام المميزه الي يفتخر فيها المنتدى الي تشارك فيه

والله يوفقك ..
وربي انك تستاهل هالعرووض واكثر بس لي قررت تطلع من منتدى العجمان قولنا وين بتروح

وكان في خاطري شي اقوله لك من زمان .. بس الحمدلله صلحته بالاخير ولو اني اشوفه مجرد ارضاء بس نعمه من الله


ومبارك عليك الشهر وتقبل الله صيامنا وقيامنا .. << ماتقلد شوسه

وناطرين رمضانياتك

[şσ ί Ļόve]

(مضروب على عينه)


من الشخصيات الي شدتني بالمنتدى

اسلوبك ولا آحلى حيل يعجبني واستمتع بقراءة ردودك ~>

وو انصدمت بـ (معرفك القديم)


وان شاء الله بكون من متابعيك بقسـم الخيمة الرمضانيه =)

موفق اخووي

ودي.,

[‏وَتـے ـيــنْ]

ابد ما توقعتك تكون AgMi.cOm

شتان ما بين اسلوب مضرب واسلوب عجمي . كوم

بس اسلوب مضروب احلى اكيد

وعبق اجدادي خيب ظنك

.
.

مبارك عليك الشهر مقدما ً وتقبل الله طاعتك يا رب
بانتظار رمضانياتك


برايفت : اهم شي انهم استضافوك مرتين في رحلة قلم مرة مع مضروب ومرة مع عجمي . كوم ,, بس بدعت صراحة

[ريف الضعيف]

ارحب تراحيب المطر

يا مرحبا برفيق رحلتي !! بصراحه انا زعلان عليك وابي الحق منك

حتى رساله وحده على الخاص ما فيه انت شكلك متغير يا رابح مليون
في سحب يانصيب من يوم سافرت وانت طبعك خارب .... هههههههه

ترى عادني مو مصدق انت عجمي كوم ...

كنت احبك واعزك من قبل ومن يوم انضربت على عينك حبيتك اكثر

يا مرحبا ومسهلا اخ عزيز وغالي على الجميع ....

وبكل تاكيد اكثر الاعضاء يعرفونك اول وتالي ؟

تقبل منى اطيب وازكى تحيه ......

[صوت القلوب]

السلام عليكم ورحمة الله وبركاته

عدت بعد أن قرأت كتاباتك

كل وحده أروع من الثانية والله مو مجاملة

جداً رائعة ..!

(1) مرايا 2 : نحن نستحق الحصار الإعلامي دام هذا حالنا

(2) المزاج : المزاج هو مدخل للإنسياق لهوى النفس

(3) يا إلهي ..! : مناجاة قمة في الروعة من صدقها ومن صدق كلماتها تأثرت

(4) الحب وقدسية الذات : الوضوح الزائد قد يقتل الحب وأنا أقول الحدود الكثيرة قد تقتله كذلك

وأصناف الحب حب في الله وحب لهدف اللحظه << هذا اللي منتشر للأسف

(5) عندما تكون جداً جداً مشكلة جداً جداً : فلسفيا هذه الأروع

فلسفة حياتيه قمة في الروعة

لابد من الوسطيه فـ كل شي زاد عن حده ينقلب ضده مثل ما قلت

شوف الأسلوب مختلف تماماً

بس تنسيقك و بعض الأخطاء الإملائيه تدل على إنك مضروب

شغله ثانيه :

شخصية مضروب كانت تطل مرات بين سطور مواضيع عجمي.كوم

ولكل من المعرفين جمال خاص فيه ..!

لأن فلسفتك مو ممله بالعكس

تقبل مروري (2)

[بدر الساخر]

الأخت شوشو

شاكر لك اطرائك

وشاكر لك متابعتك والله يقدرنا دائماً نقدم ما يرضيكم

ان شاء الله مبارك علينا وعليكم

[بدر الساخر]

خير

العروض الي مافيها $$ ما تسمى عروض .. تسمى تضيع وقت

وطول ما انا اكتب راح يكون منتدى العجمان مركز انطلاق مقالاتي المستقبلية ( ان شاء الله)

ولي في خاطرك عارفه

صدقيني هم عندي اغلى ما في الدنيا

لكن يقوللك .. ما يعتب عليك إلا الي يحبك

مبارك علينا وعليكم ان شاء الله

[بدر الساخر]

So I Love

الله يسلمك

شكراً على اطرائك والله يقدرنا نقدم مايرضيكم

ويفرحني متابعتك