اعضاء في منتدى العجمان اعجبوني

[المسافر]

السلام عليكم

شلوووووووووونكم

بصراااااحه انا من فتره طووويله وانا اتابع منتدى العجمان

ولاتغركم المشاركات تراني حاط مخفي بس اربعه وعشرين ساعه معاكم

بصراحه من خلال متابعتي اكتشفت اعضااااااء مميزوون كثر في منتدى العجمان

وتحس ان فيهم طاقات كانت مكبوته وتفجرت هنا في المنتدى

مشالله مشالله مشالله عشان مو يطلعون بكره وتحونها في راسي


ادري تعبتكم معاي

بس شوفو تراني انسى بسرعه

يعني فيه ناس معجبيني بس انسى بسرعه ولا ترى كلكم حبايبي

بس اللي بذكرهم معطيني بخاشيش
وترى رقم حسابي سهل للي يبيه

احم احم طولت السالفه

في البدايه يعجبني

هذا الانسان المبدع

ابو حمد الشامري لما ينذكر لي المنتدى اول شخص يطرى على بالي ابو حمد الشامري هو مرادف لكلمة الابداع في العجمان
بصراحه مواضيعه افادتني بامور كثيره وهو العضو الوحيد اللي احس ان رده عباره عن موضوع يعني هو غير عندما يكتفي الاخرين بكلمه مشكور وماقصرت هو لازم عنده اضافه الله يجعله ذخر للمنتدى


السؤدد شقول ولا شخلي احد ركائز منتدى العجمان
بين فتره وفتره تفاجئنا بموضوع وها الموضوع لابد له هدف مو اي كلام واحس انها اكثر عضوه يحبون الاعضاء يناقشونها طيبه لكن قويه ماتخاف من اي شخص يعجبني فيها تفكيرها يطابق تفكيري الا في بعض الحالات لما اتحيز للمرأه

alajmi اتمنى ماكتبت اسمه غلط مشرف بمعنى الكلمه متواجد دائما شخص يعتمد عليه متسامح مشرف لم يحكر نفسه في مجال معين تلقاه بكل مكان بس تحس انه ثقيل مايهزه احد ولا يلتفت لاي واحد يذكرني بكليب يوم لحقه جساس قاله التفت لي قال مالتفت الا لاربعين فارس


كويتيه باختصار هذي نحلة المنتدى ماتتعب بكل مكان تلقاها حتى مرات تحشر نفسها بشغلات ولله تخليني اضحك الله يوفقها ويسهل امورها

زبون كيمو ههههههههههههههههههههههه والله اذا شفت موضوع هو كاتبه اطنش كل شي واقرى موضوعه بس لايغركم تراه عصبي ومايرضيه اي شي راعي مزاج يستانس متى مايبي ويتضايق متى مايبي قبل فتره كان بيترك المنتدى وعن جد تضااايقت حيل احسه مثل الشمعه يحرق نفسه عشانا بيض الله وجهه


بخوت هذي العضوه احسها انسانه مرحه وتحب تضحك برى المنتدى لكن بالمنتدى تحاول تمسك نفسها عضوه عجيبه بس ماتقدر تعيش بروحها وتراها تخاف من الظلمه وتحب البر بس ماتحب اطول فيه ماداني الغبار يدش في اضافرها

العماني عضو مجتهد ويتعب ومخلص للمنتدى بشكل رهيب لكن قل نشاطه هذي الايام اتمنى يعود لنا مثل سابق عهده


سوالف ليل امممممممم نسيت شنو كان معجبني فيها كنت اتوقع انها رجال بس قبل فترة عرفت انها بنت اممم شكنت معجب فيه عموما تراه مايدخل النت الا عشان المنتدى عضوو روووعه وقصصه حلوه


الراكد عضو مظلوم ظالمته كويتيه اربعه وعشرين ساعه وهي حاطته بالسجن احس انه وده يسطرها والمشكله طلعني من السجن ونكبته

كيفي هاجريه كل ما اجي اعجب بكتاباتها يقهرني اسمها المستعار مو لانها كاتبه كيفي هاجريه لكن اكره كلمة كيفي كيفي كويتي كيفي سعودي كيفي مدري شنو ماحب كلمة كيفي بس عضوه عجيبه


راكان اليامي عضو يحب المنتدى واحس انه ماتعلم على الانترنت الا عشان المنتدى تعجبني ردوده بعض الاحيان في المنتديات التاريخيه


ام ثامر عضوه وضعت لنفسها خطوط لاتتعدها اقدر اسميها واثقة الخطوه

لورنس بصراحه عضو يتعب واعجبتني قصص الانبياء اللي وضعها في منتدى القصص ابرك من بعض القصص اللي تجيب الهم واللي فيها خداع للبنات


تعبت وفيه ناس واجد ماذكرتهم

عزوف وابيار باختصار مبدعات واتمنى عودتهم لسابق عهدهم مثل ماعودونا


فتى الاحزان عضو عجيب لكن
مازال يبحث عن نفسه

اطياف الماضي من نكها تحس انها عضوه حالمه ودي اشوف شغلات من ابداعها اكثر ودي اني حرامي وادل بيتهم وادش غرفتها وافتح الدرج اللي جنب السرير احس بلقى فيه مذكراتها ودي اقراها

Alajman تراه قالي حطهم بلون وانا بلون لانه معطيني دبل اللي هم عطوني هههههههههههههههههههههههههههههه
بصراحه هو راس المال ولولا الله ثم هو ما اجتمعنا وعرفناكم وشفنا ابداعاتكم اول مره اشوف صاحب منتدى نفسيته حلو ومساهم رئيسي بالمنتدى وانسان سريع التجاوب بارك الله فيه وعسى ربي يجعله ذخر للمنتدى


واتمنى من اللي سقطت اسمائهم سهوا ان يعذروني فجل من لايسهو ولا كلهم فيهم الخير والبركه


واعتذر للاطاله

تحياتي لكم