قصيدة مدح في اهل وادي العجمان

@سلطان العجمي@ · #1 01-08-2009, 01:44 AM

بسم الله الرحمن الرحيم

السلام عليكم ورحمة الله وبركاته

آه من دمع على الخدين سايـل
بالوصايف لانثر صب المـزادى
ما خطر فالبـال ياتيلـه دلايـل
ويتبيـن كـل ماكـن الفـوادى
قربوا لى من عطا الرحمن حايل
حايـل تدنـى بعيـدات الريـادى
حايل من ساس عيرات اصايـل
تاصل المشتاق ديـران بعـادى
فوقها ننحـر طرييـن الفعايـل
ربعى العجمان ذربيـن الايـادى
لالفيت ديـار وافيـن الخصايـل
بلغوهم لـى سـلام بازديـادى
لاوصلتوا بيـن هذيـك النزايـل
انتهينـا واهتنينـا بالقـعـادى
زين ممشا بينهم ماهى رسايـل
الكبار كبـار واللـى بالمهـادى
ربعى اللى تحتمل لاجت وهايـل
فى جميع امورها تمشى اسنادى
فضلهم مشهور من بين القبايـل
بالكرم والطيب من بين العبـادى
وفعلهم مشهور من عصر الاوايل
فالعصور الماضيه واللى جـدادى
فعلهم للنـاس تضربـه مثايـل
لاحصل يوم عبوس بـه تنـادى
ربعى العجمان حاميـن الهزايـل
كم عقيد طوحوبـه كالوسـادى
ربعى العجمان حاميـن الدبايـل
لاحصل ذبح وضـرب بالهنـادى
لازهمنا يام تكعـم كـل عايـل
صلب يام الى نهق عير الرشادى
يام والله يام الى جات الصمايـل
من حربهم حل فى جمعه نفـادى
من حربهم راح يبرى له وشايل
مساس بالقودعجـل بالمقـادى
ربعى اللى جندلوا من كل صايـل
كم هنوف درعوها فى الحـدادى
من حبلهم طاح طوله فى الحبايل
طاح طوله يوم داسوه العـوادى
ومن بغا لسلومهم ماهو بطايـل
سلمهم يصعب على كل البـوادى
استمع للصدق ماهو قول قايـل
لاهرجنـا مانعـد الا الوكـادى
افتهم ماقلـت دام الفكـر جايـل
واستمع لبيوت سواهن استـادى
شاعر لاقال تـر قولـه محايـل
وشاعر لاقال تر قولـه ****ى
يوم بعض الناس فى قوله مسايل
عايش بلسينه عيشـة زهـادى
فى قصيده كاسب كـل الفشايـل
ويعترض للوم وألسنـة حـدادى
مايعز النفس مقصـور المهايـل
دايم بسؤال فى عيشـة نكـادى
وختمها صلوا عدد وبل المخايـل
للنبى اللى لكـل الخيـر هـادى