أقدم لكم محاروه بين الشاعر الراحل : صياف بن عواد الحربي (( رحمه الله ))
والشاعر : رشيد بن زيد الزلامي ..
وأتمنى أن تحوز على رضاكم /
صياف
يا مرحبا واللي حضر يقلط على سمن او سمين**والكلمه الطيبه يقدمها ويفتح بابها
رشيـــد بن زيد الزلامي صاحبي هـــاك السنين**واليوم يغدرني بغفله ماحسبت احسابها
رشيد
يا مرحبا يا طيب تعـــرف حقـــوق الطيبين**اوقف على حيلك وشب النار يا شبابها
واشلون اسوي لك حراسه من يسار ومن يمين**خايف على صياف من بقعا ومن مشعابها
صياف
حنا ترانا مسلمين ومن عيال المسلمين**والي تغش العرب لا جتنا ولا جينا بها
تقدر تسويلي حراسه با الثلاثه والثنين**لكن حدتك الرجال اللي طوال اشنابها
رشيد
ما في شك با الحروب اللي لهم دنيا ودين**لكن اشك ابناس بالسكه تعوج ارقابها
العام يا صياف يوم ان الرحا تطحن طحين**وانت السبب في ذيك وانت سبها واسبابها
صياف
ما انته مشكك في الحروب وذاك خشم وذاك عين**لكن لا تزعلني من الدعوى وانا طلابها
دارت رحـــــاكم مــره وحنـــا رحـــانا مــرتــين**واللي ما يسمع صوتها تطحن ولا يدرابها
رشيد
اللي مخلينا نشك فيك با القلب المتين**وسوس لك الشيطان تشتال العرب بترابها
هاك السنه تحث شيخ والعرب لك مخلصين**واليوم لا في روضه المسجد ولا محرابها
صياف
يالو سكتم يا الزلامي في السكوت مجملين**لاكن قمتم تدفعون اسليم فوق اصحابها
اصبر علي ايام ثم ايجيك مني علم زين**وتذوق طعم التمره اللي ما صنعت اعيابها
رشيد
بعض الهروج العوج ما حنا عليها ساكتين**تصبح تصرفنا مجانين تشهد اثيابها
اللي حصل يكفيك ما تحتاج منا ضربتين**وبعدين لا تضحك من البلوى ولا تبلابها
صياف
اليا قرينا الفاتحه واجب عليك اتقول امين**ما فيه اشر من الحلوب اليا انكفا محلابها
سمعت صوت اسلاحكم خير عساكم صايدين**واياك تضحك للصقور اليا انعكف مخلابها
رشيد
صياف يقرى الفاتحه سبحان رب العالمين**لكن ما وفق على القبله ولا صلابها
انته تجمع حرب وتوصي لحرب الغايبين**والله خدمنا شر حرب احضورها واغيابها
صياف
لا تحسبنا باسفل الحفره وحنا سالمين** وانته بدوي ياصل(الهصبه) ولا عدابها
اليا تواجهنا مع الحجاج في ضلع القدين**هذّّّّّ ب لي علومك وسلم خنجرك وانصابها
رشيد
من سوء ضنك تحسب البدو ناس مغفلين**لكن جربت البدو لا عاد تطرق بابها
من كثر ما عطينا جملنا صاير بطنه سمين**واخذ على دربه بعارين ترز اذنابها
ملاحضه/ الكلمه اللي بين قوسين وهي(الهصبه) مكتوبه عندي بكتاب الجنادريه نفسها لاكن انا اشك انها(الهضبه) وهم نسو اضافه النقطه.........
تقبلوا تحياتي : مـــــرعــــــ الــجــيـــوش ــــــب
29-07-2009, 02:23 AM
العرض العادي
