كل نساء العالم يتهمن أزواجهم بأنهم بيحبو الشغل أكثر منهم
وأنا نيابة عن الرجال أعترف بأن هذا صحيح .............صحيح ....... صحيح ليه......؟؟؟؟؟؟؟
فيه أسباب ومبررات التي أرجو منكم التفكير فيها بعين العقل:
أولا ...........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تصرخ براحتك و صراخك يجيب نتيجة....
مع مراتك صعب انك تصرخ براحتك ومهما صرخت مش هيجيب نتيجة .....
ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
إنما تزوغ من مراتك .. ههق ههق ..إنسى …..
رابعا ..........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!!
خامسا.......في الشغل من حقك تاخد أجازه...عندك عارضة واعتيادي
دا غير يوم الجمعة....والعطلات الرسمية.......بصراحة الشغل خفيف ع القلب.....
إنما مع مراتك.....مش ممكن تاخد إجازه......بالعكس دا إنت لازم تلزق فيها يوم إجازتك و إلا يبقى نهار اهلك مالوش ملامح.....!!!!
سادسا ..........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ...... و مراسل......و سكرتيره خاصة …. والكل يضرب لك تعظيم سلام..... في ا لبيت
حتعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... . .يا حاج.......... ولما تعجز... تقولك.....يا بركه
سابعا .........الشغل لو زهقت منه ممكن تسيبه بدون مشاكل.... وبسهوله .... إنما مع مراتك........لو روحك طلعت.....لازم تحط في بقك جزمة وتفكر مليون مره.....في المحاكم والمؤخر
والنفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي حتدفع مكافأة ومؤخر ونفقه......وشقه كمان......... وتتحبس لو ما دفعتش
تاسعا.........ممكن تغير شغلك وتتنقل لغيره لو لقيت شغل أحسن منه....... في حين إنك طوووول الوقت بتشوف بنات أحلى ميت مره من مراتك بس ماتقدرش تغيرها........
عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ... بتحب مين أكتر...مراتك ولا شغلك ؟؟
19-07-2009, 11:04 AM
العرض الشجري