السلام عليكم
بدون مقدمات
واجب الرجال لا أخلص مع اصحابه=مايخلون الصداقـه علـى الغمـي
ينصحه بالخير ويهـدي اعصابـه=ويحفظ افكاره عن النقص والزمي
صاحبي ضيـدان محتـاج لعتابـه=والخطايا مدرسه والعتـاب امـي
عن خطايا النحو لا تكرم اشنابـه=رافع للبيض في الشمـخ الشمـي
صاحبي شخصيتي نالـت اعجابـه=ويستلب الهرج لاجاه مـن يمـي
وفاتـح لـه بالسراجيـف بوابـه=ماتسكرها هـل المـدح والذمـي
ارجح طرخومـة المجـد جلبابـه=قدمـه الدنيـا تفـرق وتلتـمـي
من رحابة خاطره طشت برحابـه=لين خلانـي لاعـون ولا اسمـي
اجنبي ليـن اوقـف علـى بابـه=ثم اعين واحد مـن بنـي عمـي
خابره لاخمـه الخطـب وادوابـه=دخله في عالـم البكـم والصمـي
والبشـر للخيـر والشـر كتابـه=وكل منهم يبدي الرجـم ويومـي
والخطايـا مـن حبيـب تهجابـه=تزعل الاخـلاق وتفـور الدمـي
لايقوم لـه علـى العالـم حرابـه=كن ماغيره على الارض مهتمـي
العـرب دايـم مثلـها تقـدابـه=ياعرب من ياخذ امي فهو عمـي
العرض الشجري