السلام عليكم ورحمة الله وبركاته
هذي قصيدة ضيدان بن قضعان ،، كتبها عقب الحادث اللي صار له عند ( المصرعيه )
لكم القصيده
.
.
يقول من وقع علـى تنـدت الجيـب ,,, عصر الخميس بفيضـه المصرعيـه
عزي لمن جافـوة روس المعازيـب ،،، واضحت يدينه مـن حزامـه خليـه
ياوجد حالي وجد شالح علـى ذيـب ،،، على طويـق اللـي ركونـه ذريـه
وين انت ياريف الخوي منبع الطيـب ،،، يوم(ن) ولد الـلاش يضهـد خويـه
ويارجـل لوجبـارتـك للعراقـيـب ،،، ابدايـه المشـراف حقـك علـيـه
لابد ماتجبر اكسـورك وانـا اطيـب ،،، بـاذن الله الرحـمـن رب البـريـه
وابدي عصيـر بنايفـات المراقيـب ،،، واجر صوتي عادها الشمـس حيـه
وان كان ماهيضت غيـري فلانيـب ،،، كفوأتلاحـي صـوتـي الراعبـيـه
من طلعتي لين امتلا عارضي شيـب ،،، وأنـا وراءالهقـوات عينـي شقيـه
اغوص غبات البحر نكـس واجيـب ،،، غنـاه نفـس مـن صباهـا غنيـه
مانيب من يقنـع بهـزل المكاسيـب ،،، ولانيب من يجزي الحسانـي بسيـه
القلب غير الحب مرتـاع اصاحيـب ،،، والنفس غيـر العـز ماهـي دنيـه
والكف غير الجـود تنـدا مواجيـب ،،، والراس غير الشعـر يقـدح حميـه
عاده هل السمراء هل الشيخ وعضيب ،،، لادخنـت يـردون حـوض المنيـه
وان ساقت الدنيا السرايـا مراكيـب ،،، تنطـح سراياهـا سريـه سـريـه
وانا ولد منصور عطـب المضاريـب ،،، اللـي كفوفـه فاالشـدايـد نـديـه
لويالـدن مـع الخشـوم الرعابيـب ،،، ماجابـن اللـي جابـت الجابـريـه
12-07-2009, 07:13 AM
العرض العادي
