رسااااااااله لمن كان في راسه حمياااا

[هادي الشامري]

السلام عليكم ورحمة الله وبركاته


والله يمسيكم بالخير جميع


اليوم عندي رساله لكل يامي كما تعرفون التحالفات اللي صارت بين القبايل ضدنا واليوم ربعي ياهلي الكراسي الاربعه لاتروح وانا عندي قصيده كتبتهاا العام فالانتخابات اللي فاتت واليوم جاء وقتهاااا

يقول ابن شلان وسمع ياولد=بدع المثايل زان لي موالها
اتعب على جزل المعاني وجتهد=لعيون ربعن فالقسا يعنالها
اخذ الكلام الصدق مني وعتمد=حنا الاسود الضاريه وشبالها
بين القبايل لابتـي نعـم السنـد=يام العريقه طيـب الله فالهـا
حنا قبايـل يـام وافيـن العهـد=حنا صناديد العـرب وبطالهـا
عدونا يمسي علـى هـم ونكـد=بيـن الحنايـا علتـه يشتالـهـا
ربعي ضنا مرزوق لاحان الوعد=ترس كما ترسي عظيم جبالهـا
والبيت مايبنا بلا طنـب وعمـد=ومال الحمول الا ظهور جمالها
السبت يالعجمان وفـو بالعـدد=أربع كراسـي كلهـا نحتالهـا
والماقف المشهود مامنه مصـد=وعقب صبين حاجته مـا نالهـا
وقدم الجموع اللي تحاشد بالوفد=حنالـهـا يالابـتـي حنالـهـا
تكفون يالعجمان لاحـن الرعـد=في مدلهم الغيم وهـل هلالهـا
سوو سوات الغيم لاهل البـرد=تمطر نواميس الرجال افعالهـا
راياتنا يا لابتـي نعـم السعـد=أربع بيـارق تحتمـي برجالهـا
واللي نهار السبت ماشفته صمد=نذرن علـي لاعقبـه فنجالهـا

وســـــــــــــــــــلامتكم


والله يوفق اخوانا المرشحين


اخوكم هادي بن شلان ال شامر

[مـحمـد]

السلام عليكم ورحمة الله وبركاتة

مرحبا يا هادي حياك الله وصح الله لسانك

قصده كافيه و وافيه وفي وقتها

تغنينا فيها العام الماضي

وان شاءلله السنه هذي بعد

.

[ابن عاجب]

صح لسااااااااااانك


يابوشلالالالان

[راكان عشرين]

صح السانك
ولاهنت

[لاهنت ياوقت الشقا]

يعطيك العافيه وصح الله لسانك

[سنقروس]

بيض الله وجهك يا بن شلان

[العجمي كوم]

بيض الله وجهك .

[موادعك خيره..!]

وقدم الجموع اللي تحاشد بالوفـد
حنالـهـا يالابـتـي حنالـهـا



الله يكتب الي فيه الخير وانشالله ان اربع كراسي كلها نحتالها


لاهنت طال عمرك وصح لسانك

[(سعد بن محمد)]

السلام عليكم ورحمة الله وبركاتة

مرحبا يا هادي حياك الله وصح الله لسانك

قصده كافيه و وافيه وفي وقتها

ولاهنت

[نظره ثاقبة]

كفو يا الشامري والله إنك ترفع الراس وحنا إنشالله لها وعند وجهك