شيخة العوووووووووب

[@بنت العز ما تنهز@]

قصيده منقوله للشاعر الكبير/ ثامر شبيب
والقصيده تحكي قصتهاااااا
استمتعواااااا في هذي القصيده الذربه ........

كل البشر في صوب وهالبنت في صوب الكـامـل الله كـامـلـه ماتـعـابـي
ترفه وهـي تمشـي مسافـات ودروب في عـز رحـلات الشقـى والعذابـي
لامن مشت فـي يدهـا ترفـع الثـوب كـلٍ يناديهـا وهـي تـقـول مـابـي
مـن الدلـع سميتهـا شيخـة العـوب حتـى دلعهـا منحنـي لـه عجـابـي
مركوبهـا ماهـوب أيـات مـركـوب مـن مـر قـدامـي تلـنـه ركـابـي
لحقتهـا والهـرج زاهـب ومكـتـوب لأي موقـف كنـت عامـل حسـابـي
قلـت السـلام وردت بأيـش مطلـوب قلـت الخفـوق بخفـت الـدم ذابــي
قالت وش اللي حـدك لنـاري تـذوب قلـت المشاعـر ماعليـهـا عتـابـي
قالـت تمثـل دور عاشـق ومحبـوب قلـت الحقيـقـه افتـديـك بشبـابـي
قالت اخيـر الحـب ناهـب ومنهـوب قلـت انهبينـي قبـل لانقـل صوابـي
قالت متى تكبـر عـن الحـب وتـوب قلت الخبل مـن شـاف زينـك وتابـي
قالـت صراحـه ماتوقعتـك سـلـوب قلت افهم انـك معجبـه فـي جوابـي
فجأه عرض لي واحدٍ عرضت خـروب سلـم علـي وخاطـر البنـت طابـي
جاني مطفي ضارب فيـاض وشطـوب ومـن قـو عينـه قـال يامرحبـابـي
واخذ يسولف لي وانـا فيـه مغصـوب يسئـل عـن احوالـي وسبـة غيابـي
مايدري انـه بعرضتـه كسـر قلـوب لا واعـذابـي مـنـه لا واعـذابــي
رقد على كبدي وانا بوقـتي محسـوب البنت راحـت والرجـى منـه خابـي
وقفت عاجـز كنـي انسـان مغلـوب من قـرد حظـي كـل هـذا جرابـي
اتـلا عهدهـا تلتفـت لفـت رعبـوب مالله كتبهـا قسـمـةٍ فــي كتـابـي
اقفـت تمشـى فـي مسافـات ودروب قلبـي يناديهـا وهـي تقـول مـابـي

منقوول

اتمنى تعجبكم