مرت بـ صرير بن سمران العرجاني ظروف،وقد مر ببلد صديقه محمد بن بداح المصارير الدوسري فلم يجده إذا كان مسافراً فقال هذه الأبيات:
على بلاد(محمد) مر بي فال=ولا وجدت محمدٍ في محله
والا محله للمناعير مدهال=واهل الوفا لا من حضر ماتزله
له مع رجال العرف مخرج ومدخال=والحمل لامنه برك له يشله
باسلوب ودروب تعيبات وطوال=كسب المراجل دايمٍ عادةٍ له
يقوله اللي بايع قرب الأنذال=اللي حقدها للقريّب تشله
يجزع على الأقصين في بعض الأحوال
لا صار في دنياه ماله وخله
ما كل رجالٍ على الاسم رجال
لو كان يلبس له عقالٍ يتله
الاسم يبغي قول يثبت بالأفعال=والحمل يبغي واحدٍ يحتمل له
سواة (ابن بداح )والحق ينقال=قرمٍ صعيبات المراجل هوىً له
من لابةٍ في حزة الحرب جهال=وعقّال في درب الوفا والمدله
وقد قارضه ابن بداح بهذه الأبيات:
عسى بلاد (صرير) يسقيه همّال =سحايبه بأمر الولي مستهله
راعي بيوتٍ محكماتٍ بالأقفال=جتني وانا مردودها منحرٍ له
ابهمتها يا طيب الجد والخال=وخليت قلبي للروابع تمله
ليتك شرحت اللي تكنه على البال=وانا لزومك لو قسى حاضرٍ له
من لانفع بالضيق لا شلهب اللال=حمل الرخا يشبه سلوكٍ المهله
وابو زويدٍ يافتى الجود قد قال=ومن العوارف تستقيم الأدله
الحمرة تدرك معيشة وتحتال=والرجل له ميقاف صعبٍ يزله
لو زلته بالأنذال ياقف به ابطال=اللي لها كسب التنافيل مله
ولا كل من شد الرحل للوفا نال=يكون من توفيق ربه يدله
ومن جرب الدنيا تورّيه الأهوال
ويشوف شيٍ ما يوافق رضىً له
وان شفت ولا عفت من بعض الأشكال
خل العفون بدارها مستفله
شذابة العرقوب ونفوس ثقال=ضعاف العزوم من المراجل مقله
ومن عاش بالحيلات والقيل والقال
يصبح مهانٍ وفي حياة ممله
والرجال له هومات واقفاي واقبال=ولا يقبل الهزله تجي في سجله
يشهر لكسب العز في راس ما طال=والله ضمين الرزق بالكون كله
وسلامتكم
19-07-2004, 01:55 PM
العرض العادي
