ياعين من حطيت عيني بعينـــــــــــه وابطيت واقف في بحر عينه أمــــــــوج
ابحرت في عينه بليا . سفينـــــــــــــه سجيت فيها لين ضيعني المــــــــــــــوج
حاولت .. الد الشوف عما يهينـــــــــه ولاانتبهت الا وانا فيه ملبــــــــــــــــــوج
شفت الفتن في ملتقى حاجبينـــــــــــه والسحر في عينه مع الزين مدمــــــــوج
اسود سواده لابسته السكينـــــــــــــــه وابيض بياضه طايش اللون مرجــــــوج
زاويه طرف ٍ حاجز ٍ دمعتينـــــــــــه لولاه كان الخد بالكحل ممـــــــــــــــزوج
كاسيه رمش ٍ زاد ملحه وزينــــــــــه من فوق متكحل ومن تحت مدعــــــــوج
بين الرموش السود شفت الغبينـــــــه واللي رماه الرمش ماعاد له بــــــــــــوج
مرت ثواني من حياتي ثمينــــــــــــه وانا اتهادى بين الاشـــــــــــــواق وأدوج
مرت وانا قابض على راحتينــــــــــه واقف مقابل له وساهي ومدلـــــــــــــوج
مدري وش اللي صار بيني وبينــــــه والقلب ماردنه ضلوعي العــــــــــــــوج
ولا انتبهت الا بسحبت يدينـــــــــــــه قال انت تبغى الناس تلحقني هــــــروج
قلت اعذر اللي شافك الله يعينــــــــــه يبطي ودمعه بعد فرقاك مزعـــــــــــوج
عينك بنظرات الغلا مستهينــــــــــــه ؟؟ قال الغلا في داخل القلب منســـــــــــوج
قلت الوعد قال ( ايه )كلش بحينــــــه الله يفتح لك من الضيقه فجــــــــــــــــوج
قلت (آه ) طيب شف لي الدرب وينه قال انتبـــــــه باقي علـــــــى شفتك روج
منقولـــــه
مع ودي واحترامي
oo0 fditny wallah 0oo
08-04-2009, 05:57 PM
العرض الشجري