عين تشربك شوف وعين تظماك لا ذبحنـي ظمـاك ولا رويتـك

[الخالدية]

بين فرحة لقـاك وهـم فرقـاك .... لا تذكـرت جـرح ولا نسيتـك

حي هالشوف مـا تنمـل دنيـاك .... شف سواة العيـون ليـا لقيتـك

عين تشربك شوف وعين تظماك.... لا ذبحنـي ظمـاك ولا رويتـك

قمت اخيلك هنا وهناك ... وهناك .... وين ما ترحل بي النظرة نصيتك

إن تبسمت قلت الموعـد شفـاك.... وإن تمنعـت بأنفاسـي دعيتـك

وإن طلبت الغلا قلت الغلا جـاك.... وإن سكنت الخفوق البيت بيتـك

وإن نثرت القصيد بدرب لامـاك.... ذاع صيت القصيد وذاع صيتـك

يا رجا العمر لو حفتك الأشـواق .... ليتك أول طريـق القلـب ليتـك

ودع البـرد كـفٍ ضـم يمنـاك.... صافح الود قلبـي يـوم جيتـك

حي هالشوف رغم هموم فرقـاك.... لو تناسيـت جرحـي مانسيتـك



مساعد الرشيدي