السلام عليكم
هذي اول مشاركه لي في المنتدا وانشاء الله تحوز على رضاكم
اعــز نفسي لين تاقف على الجــال ... مالي ومال اهل النفوس الضعيفــه
ما همني غلطات جاهل وجهــال ... ان جت من الجاهل قديحه وليفــه
تركتها عاقل ويدرون عقــال ... العقل ميزه والجهاله كسيفــه
والهرج مايهرج على غير رجال ... ولا كل من يهرج علومــه طريفــه
العلم له معنى وللكيف فنجال ... ياوين رحتوا ماعليكم حسيفــه
هذا كلام الصدق والصدق ينقال ... ونفسي عن الهفوات دايم عفيفــه
انا عريب الجـد والعم والخـال ... اشرب لحم البيـر واترك غريفه
من شجرة فيها الدفى دايم ظلال ... ربيع قلبي في زماني وريفــه
والمرجلـه هقــوات واهداف وآمــال ... وبيت الردي ينهد محدن يضيفــه
بيت بليا ساس لابد ينزال ... والمنزل العالـي براس المنيفــه
وياما لبسنا من جديدات وسمال ... وياما غدا ماقلت ماله خليفــه
دنياك هذي كل يوم لها أحـوال ... بين الرجا واليأس دايم مخيفــه
هذا مثل والناس كم تضرب أمثــال ... ولا كل ما هام المراجل بكيفــه
ومن لا عرف ماقلت ما قيل وش قال ... يكفيك من كثر الكلام تعريفه
وصلاة ربي عــد ما هل همــال ... وعدا ماهبت ذعاذيع صيفيــه
على نبــي خصــه الله بالارســال ... اليي رفع دين العروبه بسيفــه
غالي عبدالله العضيله
وسلااامتـــكم
__________________
احـب النشامـا وللنشامـا علـي احـقـوق .... اقدر احقـوق الخـال والضيـف والعانـي
ولا اخاوي الداشر ولا احب انـا المطفـوق .... ولا اصـد و المضيـوم يزهم وينخـانـي
ولا ارضى خنا الزلة ولا اخطي على مخلوق .... ولا اعارض الجاهل على زلـة اللسانـي
احب الفياض الخضر لا سيق فيهـا النـوق ... بعد سوقـت الفنجـال بـدلال رسـلانـي
احـب الفيـاض وشوفهـا يبـري المعلـوق ... ليا عطـفت خلفاتـهـا فـوق حيـرانـي
احب الفيـاض وحبهـا حـط فينـي افتـوق ... وعسى لايمـي في حبهـا يقـاد عميانـي
التعديل الأخير تم بواسطة طــامـي^العجـمي ; 13-12-2003 الساعة 09:31 PM
23-11-2003, 08:34 PM
العـــــــــــــقل مـــــــيزه
صح الله لسانك ولاهنت
.jpg)
العرض العادي
