أنا ما هقيت يسوي الوقت ما سواهـ \ لـ عـامـر بـن نـوطـان \ رحمه الله

[خالد بن رمثان]

صــبــااح الــ خ ـــيــر ..



هذي قصيده للشاعر عامر بن نوطان المري - رحمه الله -



و لها وزنها الثقيل فالساحه الشعريه ..

أنا ماهقيت يسوّي الوقـت مـا سـوّاه=وخان الزمان وعـادة الوقـت خوّانـي
ويا حيّ مـن هـذي ديـاره وذا مربـاه=ذواري هبوب النود مـن فوقهـا بانـي
أنا يوم شفـت البيـت متهـدم ٍ مبنـاه=تذكّرت زول ٍ كان فـي البيـت سكّانـي
أنادي عليه وساقي العين جـاري ٍ مـاه=وأنا عارف إني لـو تحرّيـت ماجانـي
ظلمني الزمان اللي جبرني على فرقـاه=صواديـف بقعـا شرّهـا مـا تعدّانـي
صدوف الزمان وطول صبر ٍ لحقت اقصاه=حدتني علـى مبـدا الطويلـة مسيّانـي
أنا قد بغيت أوقف الرجـل مـن مبـداه=ولكن شفـت المـوت مازيـد خلانـي
إلى جيت عد ٍ قد نـزل مـاه والا جـاه=تسابق دموعي واظهرت خافي أحزانـي
أنا كيف بدله واطمع ان خاطري ينسـاه=وأنا كل مـا مريـت مدهالـه ابكانـي
إلى جات به الاخبـار وألاّ حـد ٍ طـرّاه=ما عاد أتسمّع صوت من زيـد حاكانـي
أعيـش بخيالـه واتنـادم مـع ذكـراه=ويدوي بي الهاجوس في عالـم ٍ ثانـي
يغيّم سماي إلـى تواجهـت أنـا ويّـاه=وحتى الحكي ماعاد ينطق بـه لسانـي
قضى العمر كله عادني في رجـا لامـاه=وطال الرجـا واليـاس قـام يتحدانـي
هو اللي تتوق النفس لمشاهـده وحكـاه=ولا جا بقلبـي عنْـه سجّـه ونسيانـي

وسلامتكم ..

[موكب]

الله يرحمه ويسكنه الجنه



الغالي ،، خالد بن رمثان ،،


صح لسانك ملايييين وصح لسان شاعرها الجزل


وسلمت يداك بما خطت لنا من ذوق دائمآ رائع


ولا تحرمنا منه يالغالي



دمت بسعاده لا تفنى

[سهوم بقعهـ]

شاعرية فاخرة تجبرنـآاَ

عـ الصمتْ

{اِبن رمثانْ}


طبتْ وطآب ذوُوُقك

..

[محمد بن دسمه]

ياامال الجنه ياابن نوطان ..

ابن نوطان في وقته كان محد يجاريه بالوصف والحزن ..

صح الله قلبك ولاهنت على النقل ..

[@ فــهــد @]

.
.
.

ظلمني الزمان اللي جبرني علـى فرقـاه=صواديـف بقعـا شرّهـا مـا تعـدّانـي
صدوف الزمان وطول صبر ٍ لحقت اقصاه=حدتنـي علـى مبـدا الطويلـة مسيّانـي
أنا قد بغيت أوقـف الرجـل مـن مبـداه=ولكـن شفـت المـوت مازيـد خلانـي
إلى جيت عد ٍ قـد نـزل مـاه والا جـاه=تسابق دموعي واظهرت خافـي أحزانـي

الله الله

يبو مانع

رائع ما نقلت

صح السان من قالها

تقبل مروري

أخيكـ

.
.
.

[بـــارود]

بن نوطان

الله يرحمه كان شاعر بمعنى الكلمه

خالد بن رمثان لاهنت على الاختيار

تحياتي

[خالدي يحب العجمان]

الله يعطيك العافيه يالذيب

[احمد بن جوفآن]

خالد بن رمثـان

.
.

لاهنت يا ذوق على النقـل الرائع

قصيده رائعه .. والاروع منها .. لا جريتها بـصوتـك .. ما شاء الله عليك .. جعل ربي ما يضـرك ,,

صح لسان بن نوطان .. ولاهنت يابو مانع

.
.

إخيك