انت كنت مداوم ودوامك عباره عن جريده وسوالف او رايح المخيم ..
وودك تسولف ..وتعطي رايك..بالاوضاع اللي حاصله عن الاستجواب ومحاوره ..والمجلس بينحل او لا....ومن شدة الحماس تقول "بس ماندري عاد الحل بيكون دستوري او غير دستوري"..تتفاجأ بواحد معطيها راس سلوم ويسالك....
يعني شنو
(حل دستوري او غير دستوري)
؟؟؟
خذ الحذر والحيطه .... تسلح بالعلم والمعرفه ..قبل ان تهرف بمالاتعرف..
الحل الدستوري يعني :انهاء عمل مجلس الامه والدعوه الى انتخابات جديده خلال شهرين من تاريخ الحل.. لانه الحل الدستوري لازم تتبعه إنتخابات خلال مدة أقصاها 60 يوم .. والا رجع المجلس "المنحل" كما كان منعقدا وكان شي لم يحدث..
والحل الغير دستوري يعني: امسك اي واحد مصري بالشارع واساله عن قانون الطوارئ عندهم ..؟
مابي ابالغ
بس الحل الغير دستوري
يعني الغاء العمل بالدستور والمجلس...يعني القرارات تكون فرديه لاحسيب ولارقيب..يعني الدستور لما يقولك "السيادة فيه للامة مصدر السلطات جميعا" راح تلغى لان الوثيقه اللي انكتبت فيها لغيت ...
...
الموال اللي يجري هاليومين ..مثلا عندكم
"بوعيده" صحيح شكله ادمي وغلبان و"زلمه" ..ومشتط ولايدري وين الله قاطه..
بس يوجع بالراس..
قولون مزمن..خصوصا وقته مع طلعت الدوامات
تحس لما تسمع له ..او تسمع الاتصالات ان السقف بيطيح عليك..!
افهم ليش حملة قناة "سكوب" او كما يحلو لي بتسميتها "إسكب" ضد مجلس الامه..وضد الدستور...
اعلام موجه ..وتبع لمصلحتهم او النظره الضيقه ..او حتى من الفراغ الكبير بمحتواهم ومضمونهم
قناة "فلاش باك"\
...
او يجيك مثلا "الجارالله" رئيس تحرير جريدة السياسه ويقول لو الشيخ"عبدالله السالم الصباح" -ابو الدستور الله يرحمه-لو قرا الدستور ماكان وقع عليه..!
..
ان يصدر من دكتور احمد بشاره ويعتبر أمين عام التجمع الوطني الديمقراطي ..وينادي بالحل وتعليق الدستور ...
"لاوالله هذي جديده مامرت علي"
ولو عرفتو السبب بطل العجب..
المثير
الحبيب "القلاف" اللي مسمينه المعلقين بجريدة الان "السندباد" عضو منتخب ووصل للمكان هذا بسبب الدستور ..ينادي بالحل وتعليق الدستور!!
فيوزاته ضربت!
...
الاستجواب محاوره ضعيفه..مو ضعيفه
ازموها...ما ازموها
مجلس عنيد حكومه ضعيفه
مالي شغل
فيه دستور...فيه مبدا...لازم نتعايش فيه ..لازم نتاقلم فيه
بدك اهلا وسهلا .. وانت تحترم نفسك وتحترم غيرك
مابدك..اشرب من البحر
محاولات غريبه .."مصلعه"
لالقاء وزر حالة الشلل بالبلد على "المجلس" ...
هم اختيارنا ...هم صوتنا..هم من يمثلنا
ماسكين عليهم شي... مزعوجين منهم ...عندكم صناديق الاقتراع ...
ولايصير حالكم...حال بوعيده
يهرف بما لايعرف.
19-11-2008, 12:56 PM
العرض الشجري