السـلام عليكـم ورحـمـة الله وبركـاتـه
رديه بين الشاعرين فريح بن حمود العنـزي
والشاعر دخيـل الله بـن مثيـب العازمـي
ونتعلم من قصائد هؤلاء القروم نخوة البـدو
ووقفتهم لبعض وايضا نلتمس في هالرديـه
صـفـات النـيـه ووضـــح الـنـقـا
يـقـول الشـاعـر فـريـح الـعـنـزي
...................
ياابو محمـد اللـي مـا تعـرف الخداعـي
......اسعفوني قبل لا موت روحي خطيـره
ساهر البارحه لين اصبـح الصبـح واعـي
......تقل كني سجين عداي داخل جزيـره
يوم حظي تـردى ضـاع كـل المساعـي
......كنـي اللـي تقتـل لابتـه بالكسيـره
الحبيبـه رمـت حالـي بوسـط الافاعـي
......والهوى صابني والعين دايـم سهيـره
ميـر لا جيـت ابوهـا قالـي بجتمـاعـي
......عيشت البنت عندك ياوليدي عسيـره
اول شروط بنتي بيـت مـا هـو صناعـي
......بيت في داخل المحدود مليـان نيـره
وثاني شـروط بنتـي تشتغـل بالقطاعـي
......ينشرح يوم اشوفك في وظيفه كبيـره
وابغى منك عشرت الاف ما هـو ضياعـي
......والملابـس عليكـم والشرايـا كثيـره
لا تسمع شروطـي وانـت رجـال راعـي
......كل شهرن تجر ضناك في وسط ديره
قلـت ابشكـي دخيـل الله ولا فيـه داعـي
......اكتم السر عنده والقلب وسـط حيـره
طالعت في شروط العود والفكـر ضاعـي
......يمكن انك تساعدني وترضي ضمـره
************
ورد الشـاعـر دخـيـل الله الـعـازمـي
جاني فريح يشكـي قلـت بكسـر ذراعـي
......مستعـدن لحقـه بالفلـوس الكثيـره
والله انـي لـروح اليـوم للعـود اداعــي
......كان مـا قدرونـي قلـت يالله خيـره
بعطي العـود حقـه كانـه العـود طاعـي
......كان ما طاع عود بليس نطوي حصيره
نذبحـه بالمسـدس ذبحـتـن بختـراعـي
......ناخذ الزيـن ونخليـه يفلـس حييـره
وكان جونا ربوعه جبـت ربعـي فزاعـي
......بالقنابل وبالشرف الفـلاح الشطيـره
صاحبك نسحبه لـو كـان دونـه سباعـي
......لين تقضب يدينه مع ذوايـب جميـره
ونركب اللي ليـا دسـت التباديـل فاعـي
......سايقه راشد اللي ما يهـاب الحشيـره
وننحر المركـز اللـي ايمـن ام السباعـي
......مركز الرغوه اللي في طريق المسيره
سمحـوا دربنـا فـي روحتـن بنطلاعـي
......قبلتن من ضليع شلال خطوه قصيـره
وقفه عنـد بيـت فريـح مـن دون داعـي
......ينزل الزين منه ثـم يـذري حديـره
07-07-2004, 08:45 PM
العرض العادي
