( أجمل اسنيني ) .!

فهيد بن عصيدان · #1 12-10-2008, 05:21 AM

ياصباح الخير

البارحه ., دارت الذكرى وسرّاني=طاريك ., ياذكرياتي وأجمل اسنيني
سمعت صوتك .! وقلت : اصدّق اذاني=وزولك خياله تمثنى عيني وعيني
ياصاحبي ., لاتذكَّرني وتنساني=ولاتذكِّرني الماضي وتبكيني
في كُلّ ليل ونهار ., أحزاني أحزاني=وفي كُلّ ذكرى ., تموّتني وتحييني
إنسى صدى صوتي , وطَرْقي , وقيفاني=والصوره اللي يدينك تشبك ايديني
وإهجُر محلٍ جمعني بك ., وودّاني=لأوّل لقى يوم فاع القلب من حيني
ولاتدوّر عليْ ., لانّك بتلقاني=في كُلّ دربٍ على وصْلك يودّيني .!
وليا قدرْت إتعدّاني .؟ تعدّاني=وان شفتني بأيّ صُدْفه .؟ لاتناديني
وان دقّ رقمي عليك .؟ إنساه بالعاني=وإن كانك إشتقت لي .؟ لاتتّصل فيني .!
كُلّه .؟ على شانك ولاهو على شاني=مابيك تشقى مَعيْ والاّانت .؟ مشقيني
أحنّك ., وداري انْ ماجاك ماجاني=وانْ عشت للحبّ .؟ ماتلحق وفا ديني
إتمرّ الاعوام ., ماني منْك متغاني=أموت وأحياك ., من بيني ومن بيني
سَليت .؟ مافيه شيٍ عنْك سلاّني=السلوه اللي بدونك ماتسلّيني
آعاني .؟ اي والله انّي منّك آعاني=ومعاك أبدّل قساوة طبعي ., بليني
أشتاق .؟ فقْدك تعدّا الشوق واشقاني=حتى تزبّر ., وسيّل ماه من عيني .!
أحبّك .؟ أستصغر الكلمه من الساني=لانّك أكبر من إطار المحبّيني
فإن دارت الدايره ., والله توفّاني=لاتشغل اعيونك بدمعك وتبكيني
عطيتك أجمل سنين العُمر مجّاني=ومعاد ابي ذكرياتي ., وأجمل اسنيني .!

مــقــبــل · #2 12-10-2008, 05:26 AM

حجز (1)

ولي عوده

سالم الرتيبان · #3 12-10-2008, 11:16 AM

فـإن دارت الدايـره ., والله توفّانـي
لاتشغل اعيونـك بدمعـك وتبكينـي
عطيتك أجمـل سنيـن العُمـر مجّانـي
ومعاد ابي ذكرياتي ., وأجمل اسنينـي .!

صح لسانك يافهيد جزل ومبدع
ودعتك الله
اخيك

ناصر بن فالح · #4 12-10-2008, 12:00 PM

كُلّه .؟ على شانك ولاهو على شانـي
مابيك تشقى مَعيْ والاّانت .؟ مشقينـي

عربوون الحجز

@ فــهــد @ · #5 12-10-2008, 04:24 PM

.
.
.

فهــــيد بــن عصـــيــدان

صـــح الـــســـانـك علـــى هالـــمـلحــمــه مــاشـــالله

جزلــــه ومــن شــاعــر جـــزل

تقبـــل مـــروري واعــجــابــي

أخيـــكـ

.
.
.