البارحة يا سعد والعيـن مسهرهـا
واغلا القصايد تزاحم في شرايينـي
شبيت نار القصيد وبـت اسامرهـا
ويمتت لك يـا سعـد والله محيينـي
وخليت بعض القصايد في دفاترهـا
ايمـان بالله ثـم بسمـي وتكوينـي
وغنيت لك من طروقٍ كان ذاخرهـا
غوالـي مـا تسـاق إلا لغاليـنـي
وانا اعرف منين وليه وكيف اعبرها
موهوب فطره ورب البيت مغنينـي
والشعر لعبة سحر وعيون ساحرها
احيان تسكن جفوني ليـن تغوينـي
واحس نفسي على الدنيا واكابرهـا
سلطانها اللـي عليهـا الله مولينـي
مغرور مجنون مدري كيف اصوّرها
الغاية انهـا تركـز فـي شياطينـي
واعـوذ بالله يقهرهـا ويدحـرهـا
ربٍ ليا اغواني الشيطـان يهدينـي
اللي رفع سبع فوق وسبـع كوّرهـا
إن شاء يميتنـي وإن شـاء يحينـي
مؤمن وشاعر واجم من البحر وارها
وعلى قصير المدا ما الله بحادينـي
اغلي القصيدة وارتبهـا واطوّرهـا
والعب بها كنهـا المسبـاح فيدينـي
ما اتعب عليها واكسرها واجبرهـا
إليا تناوشتهـا مـا هيـب تلهينـي
وعد القصيدة على اللي ما يقدرهـا
عيبٍ على اللي يعرفـون القوانينـي
والسالفة يا سعـد مانيـب ذاكرهـا
دام انت فاهم وتسمعنـي وتوحينـي
والناس سرد الحكي ما هوب غاترها
لكن خـل السوالـف بينـك وبينـي
وان مرتك صد ما كنـك بخابرهـا
الصمت حكمة يا راع الشين والعيني
والمزنه اللي سقا الصمان ماطرهـا
ان خلّتها يا سعـد لا تلتفـت فينـي
والساحة اللي تعلـو فـي منابرهـا
غير السعودي اماراتـي وبحرينـي
العين يا بو مبارك شافـت اكثرهـا
ويا شيب عيني من اللي شلفته عيني
شافت من الناس شعـارٍ جواهرهـا
من غبـة اليـم تشـرا بالملايينـي
نـاسٍ لـو تمـوت مـن مفاخرهـا
قصايـدٍ تفتخـر فيهـا الدواوينـي
وشافت من الناس شعارٍ بمظاهرهـا
ناسٍ عسى اللـي تبلاّهـا يعافينـي
شعّار ما همها إلا اتطلـع صوّرهـا
وقلوبها اكبرمن قلـوب البعارينـي
تقرا على كل ما شافـت مشاعرهـا
حتـى علـى التايلنـدي والفلبينـي
ناسٍ ما يدرون ويـن الله حاشرهـا
ما صاح من صايحٍ هجّوا مغيرينـي
بلا على الدبـك سندهـا وحدرهـا
وما قالوا الناس عادوه الوراعينـي
قلته وانا غلطتي الا اخطيت ابررها
ما اقول فاتـت مـا عـاد يمدينـي
وقصيدة ٍ ما تطول وجـه شاعرهـا
ما هيب للي على السكـة يبارينـي
هذا وتسلم من اولها الـى آخرهـا
والسالفة خلهـا مـا بينـك وبينـي
ضـيــدان بـــن قـضـعـان
رد الشاعر سعد الودعاني
قب المعاني متى ما اسرجت ضامرها
في قطع فرجة في خيالي ما تعنينـي
بنـا ريـح يـدك الغيـم حافـرهـا
اصايل عسفها مـا هـوب يشقينـي
ضيدان بيّن لـي الشـاره وشطرهـا
كنه يقول انتبـه بالنقـض تخطينـي
شب القصايد وفاحت لـي مكاسرهـا
والميت ايغبـن وإلا الحـي يحيينـي
نوادرٍ صدر ابو منصـور ماكرهـا
هداتها عن بعـض الاشيـاء تكفينـي
خاتم سليمان فـي يمنـاه صخرهـا
وعصاة موسـى مـا بيـن ايمينـي
ما هيب تلهيـه وانـا مـا اجررهـا
واحب طول المدى والرب مرهينـي
مستفعـل فاعـلٍ فعـول لاخـرهـا
ما هيب وزني ولا طرقي وتلحينـي
بين اصبعينـي اورّدهـا واصدرهـا
كنهـا بـلا قـاف تتبعنـي وتملنـي
من قلتلةٍ في الخيـال ولا يخاشرهـا
غيري ومن صافي الطفوف تروينـي
والشعر فطنة ذكا من ذهن ماهرهـا
وشـرارة ابـداع اولعهـا وتطفينـي
حالة تلم التناقـض فـي عناصرهـا
شعور عفـوي وتلقائـي وتخمينـي
احـس بالعبقريـة فـي تبختـرهـا
واخش في جو واكره من يحاكينـي
آراء مهمـا اختلفنـا مـا نكفـرهـا
دام اتفقنـا المبـادي يـا مخاوينـي
والمزنة اللي سما الصمـان باشرهـا
كنـي برعادهـا لاحـن يدعيـنـي
اول مقاديمهـا يـتـلا مواخـرهـا
واتلا مواخيرها دينـك علـى دينـي
اشوفها وابتعـد مـا كنـي اناظرهـا
وفي صدتي عنك ما يحتاج توصينـي
ما شافت العين تدفن فـي محاجرهـا
وان مرني اعتبر ما هـوب يعنينـي
والساحة اللـي يفبركهـا محررهـا
امدح وتاخـذ عباتـي يـا موالينـي
نــاسٍ تبيـهـا لا والله تـدبـرهـا
بالعرض خشوا معارضة الطراشيني
اوادمٍ تبـتـرم داخــل دايـرهــا
في طرح دارج وفي تكرار روتينـي
شليلـة اشبـاه ملهيـهـا تكاثـرهـا
تشابهـت كنهـا ملامـح الصيـنـي
لا سبك لا حبـك لا معنـى ينورهـا
لا شاعريـة ولا معهـم مضامينـي
يا مربحك يـا معافـي لـو يوفرهـا
والقه في قلب مـن لايفقـه اتهينـي
على عماهـا وبالفاضـي تدحدرهـا
تبداه مسحوب شوي ايلا هو هجينـي
هلمـا جـرا وتعلـن عـن تذمرهـا
ومن فتل قافك نظرت اللي تورينـي
لو اذنـوا شـرق مـا والله يفسرهـا
غير الـذي يعـرف بيـن قوسينـي
وقصيدة ابياتها مـا هيـب تشهرهـا
ما تحمل اسمي ولا خطي وتدوينـي
وشعرٍ عليه العرب ما تنطل غترهـا
وياقف شعر روسها له ويش يوزيني
والسالفـة لـو تشابرنـا محاورهـا
الشين والعيـن عنـدك يـا منادينـي
في امان الكريم
اختكم/ بنت راكان
06-02-2004, 02:56 AM
العرض العادي
