من ديوان قصائد الشاعر سالم بن جخير >> خلك طبيعي؟
هيه ياللي تحسبني على الضيق محدي=== والله ان اموت والنفس محدٍ حدها
لاتجادلني وجرحك على ماهو ندي === اركد وخلك طبيعي ونفسك هدها
الخطامن قال لاخطيت تذبح لك فدي === والسوالف من خلط مزحها مع جدها
لاتناظر تحت شفني على حد الجدي === وكان عندك كلمةٍ تستحيها بدها
الشعر قاضي ولا جيت له هدي قدي === حجتك عندك وانا حجتي باعدها
والله اني والله اني على اعذب مدي=== ردها عني ليا جيب طاري ردها
شاعرٍادل كل الدروب ولا غدي === يوم بعض الناس ياجيبها ياودها
اتواضع واكتب اسمي وتحته مبتدي === ولا انا عيني على الكلمه اللي ضدها
والقصيده كان ماجاتني مثل ولدي=== والله ان العن ثواها وابيح سدها
غصب عنها تعتزيبي وتبشر بسعدي === وغصب عنها تفتخر بي لا جيت اعدها
كل هذا كل هذا ولا جبت جهدي === كيف ماني قدها والله اني قدها
01-10-2008, 03:28 AM
العرض العادي
