الشاعر: محمد جارالله السهلي
اخواني اخواتي اعضاء شبكة القبيلة من خلال تصفحي بين صفحات الشبكة العنكبوتية وقع نظري على قصيدة فيها الكثير من الحكم في عالم الحب والعتاب على المحبين وهي للشاعر المبدع محمد جارالله السهلي واليكم هذه القصيدة لعلها تحوز على اعجابكم .
لاصرت بايعني اشوفك على خير ... مع السلامه دام مابه سلامه
قلت انتهينا قلت لك خير ياطير ... ماني بأول شخص يخسر غرامه
محذرك من قبلها الــف تحذير ... لا عفتني بيعيف قلبي هيامه
ماني بميت لا ولا احتاج تبرير ... صح الله لسانك ووفر كلامه
بسمعك حبكه ،، وفكره ،، وتصوير ... وافهم عدل يا مدعي بالفهامه
وجه الشعر ابيض ويحتاج تغيير ... ودي تزين هالقصيده علامه
ماضيك الاسود باذكره دون تقصير ... كذا يكون بوجه هالشعر شامه
يصدق معي تعبير ويخون تعبير ... ياضيعة الشاعر بوقت انسجمامه
يمكن خطا ادونك بالشعر مير ... لو ما احترمتك للغرام احترامه
ماكان حبك غير بس طعنتك غير ... علمتني معنى الندم والندامه
ما جاك مني اي زله وتقصير ... كل ماخطيت اعاتبك بابتسامه
حسبي على الذكرى اذا هبت عصير ... ماعاد تنفع شرهتي والملامه
البال ضامي وقتها والحزن بير ... خسرتك وهمي كسبت اهتمامه
والليل راجع لك كذا جاني مغير ... ظلمتني واكبر ظلمني ظلامه
لا اقبل علي اوحيت صوت المسايير ... وفزيت كل ضيف اقوم بمقامه
واليا عزم هالليل ضيقه وتفكير ... قلي بربك كيف بقدر انامه
مافيه داعي للعتب والمعاذير ... الغدر خال الجرح واطيب عمامه
اما يجيب الله مطر تالي وخير ... والا السلامه ماش مامن سلامه ,,,
منقوووووول لمتذوقي الشعر النبطي
10-08-2008, 11:16 AM
العرض العادي
