مستـووحش ٍ من غيبتك قدلي إسبـوع ..!!

[Najla]

مسااكم / صبااحـكم خيـر ..


هذي قصيـدهـ للشآعـر / حمد البريدي .. صوتيـّه ..


أعجبتني و قلت أحطها لـكم ..

و هذا النـص ..


7

7

7

مستوحشٍ من غيبتك قدلي(اسبوع)=يا حيف تنساني وانا ما اقدر انساك
كل القضيه صوت دافي ومسموع=من عبر جوالك وانا اسمع حكاك
كني مابين اضلاعي العوج ملسوع=كل ما آتذكر يا المقفي سواياك
الهجر في سلم الاجاويد ممنوع=لكن صغير وعاذرك .. ويش دراك !!
قلبي لا كنه يا اريش العين ممزوع=من عقب ما لوحت وقفت مطاياك
شهيتني صوتك .. وجوعتني جوع=ويا حالة محبك .. ويا شين فرقاك
تحدني لأقصاي واجي لك بطوع=وانا ما آحب اني احدك على اقصاك
وش ذنب من حبك يلاقيك دلوع=تخطي عليه وكل ما اخطيت مشاك
ما للخطايا منك ناتج ومجموع=سوى العذاب بخافق اللي تمناك
لكن على الله والامل غير مقطوع=في شوفت عيونك وفي لمس يمناك
من يوم غبت وكل ليله لي شموع=تذوب لين الفجر حتى تحراك
ابكي بدمع اللي لقى آخيه مصروع=ويصيح كنه يوم اناديك ناداك
فيني لحبك ارض واشجار وفروع=تشبها بالطيش وآنا اتدفاك
باتقول لي وشفيك باقول موجوع=باتسبني من خاطرك باتفداك
الله خلقني انسان لكن لي طبوع=بس الوكاد انه عطاني ولا اعطاك
اني احس بغيبتك طول ( الاسبوع )=وانك على بالي ولا اقدر انساك !!

و سلآمـتكم ..


تحيااتي ..

__________________

~| .. مآ توّسد هـ الحنين .، إلآ .. [, جنآبگ ,] .. |~