المناجم.!..الذود.!..السامر..!...ثلاثة قصايد.!!..لــ/سلطان بن وسام

[محمد آل غانم]

الاولي(((المنــــــــــــــاجم)))

الزمان يدور والدنيا تدور= ودوره الايام ماهي هينه
ماتدق الا جلاميد الصخور =خل عاد اهل العضام اللينه
والحرار اللي علي روس الوكور=كل حر مابقي الامكينه
والضحايا في الصحون وفي القدور=فوق نار اهل الوجيه الدينه
في غليان التغطرس والغرور=دور الواقع ماعاد تعينه
مثل حرف الجر في بعض السطور=لويشينه القلم ويزينه
والطماعه حطها نمر النمور=بين لحيانه وبن لسينه
ليش يبسن الحناجر والنحور=والديوس ام الحليب محينه
ادري ان اصل المناجم مايبور=كل منجم فيه تلقى عينه
عند ماتصفق بحور في بحور=مايبين الا الوجيه البينه

الثانيه (((الـــــــــــــــــــذود)))

يالله اني طالبك ليل هواه =فيه من نوع الهداوه والركود
وفيه من عشب الربيع ومن شذاه=العصير اليا تثنا كل عود
في طرف روض قفر ماحد وطاه=له ثلاث شهور ودانه يجود
الدكاكه والتريبي من وراه=عثعث مقطاع صلب من نفود
من تمشي فيه يبطي مانساه=لويزور (الهايدبارك)و(ادجوانرود)
مير والله ماعلي الدنيا طراه =كان مالك مع هل الذيدان ذود
والله انك ماتلذذ في الحياه = في الوجود وكن مانت ابـ في الوجود
الغناه بدونها ماهي غناه=لاتنقُص في الحياه ولاتزود
البل تزود الرجل سمعه وجاه= واللي مايشقابها مافيه فود
مهما قالوا طيبه اكثر من رداه=ومهما طاريه مع الناس محمود
حتي لوهو غالي ينقص غلاه=كان مايعشق مواريث الجدود

الثالثه (((الســــــــــــــــــــامر)))

ياراشد الدنيا حظوظ وتوافيق =والعبد ماله غير مالله قسم له
حقك علينا لاطرقنا الطواريق=اصعب طواريق الشعر نحتزم له
نرضي مخاليق ونزعل مخاليق =ولاننوخها علي بيت نمله
اهم شي طويق وبناخي طويق=اثنين يفداهم من الناس جمله
الفوز برضا هالثنين المطاليق=يسوى من العملات عمله وعمله
والا ان بيبان الضماير مغاليق= ولاكل وجه يبتسم نبتسم له
وانا معاهد والعهد له مواثيق=اني لآحفظ له الوفاء والتزم له
ياكثر مافرج عليه من الضيق =مواقفه في حزه الضيق جمله
مناكبه للحمل فيها معاليق= يوم ان غيره يالله يشيل حمله

ان شاء الله تعجبكم

[وطـبـان]

ماهــي قصايـــد ..... قمـــــــــة جبـــــــل

صح لسان شاعرها الذي هو غني عن التمجيد

وصح ناقلها اللي هو صح بنقله ، وذوقه صح

تقبل مروري وتحياتي ,,,,

[حـــوران]

كيف ماتعجبنا يامحمد وهي للوزن الثقيـل ؟

صح إني خابرها كلها , لكن لايمنع إني استمتع بها مره ثانيه , وأشكرك على جمعها كلها في صفحه وحده

أبدعت في إختيـارك وصح ذوقك ياذوق

[منصور الحيان]

الله لايهينك على القصيده الرائعه وتقبل مروري

[محمد آل غانم]

المشاركة الأصلية كتبت بواسطة المنذر

ماهــي قصايـــد ..... قمـــــــــة جبـــــــل

صح لسان شاعرها الذي هو غني عن التمجيد

وصح ناقلها اللي هو صح بنقله ، وذوقه صح

تقبل مروري وتحياتي ,,,,

يستاهل الشاعر الجبل


وتسلم على تواجدك المميز اخوي


كل الشكر لك

[فلاح بن جمل]

لا هنـــــت أخــــوي محمـــــد وأهنيــــــــك علــــــــىى أختيـــــــــــآآآآرك للقصــآآآآيـــــد الجزلـــــه


وصـــــح الله للسانـــــــك وللســـــــان الشاعــــــــر : سلطـــــــان بن وســـــــام


ولـــــــك جزيــــــــــل الشكـــــــــــــر

[ناصر بن فالح]

اسمه الحاله بالصفحه يعجبنا

لاهنت يامحمد

وصح لساان ابن وساام

[الاحرش]

صح لسانك ولسان شاعرها

ويعطيك العافيه على النقل

ولاهنت

[محمد آل غانم]

المشاركة الأصلية كتبت بواسطة حـــوران

كيف ماتعجبنا يامحمد وهي للوزن الثقيـل ؟

صح إني خابرها كلها , لكن لايمنع إني استمتع بها مره ثانيه , وأشكرك على جمعها كلها في صفحه وحده

أبدعت في إختيـارك وصح ذوقك ياذوق

صح

ارحب ارحب

تسلم على تواجدك يالغالي



كل الشكر لك

[محمد آل غانم]

المشاركة الأصلية كتبت بواسطة منصور الحيان

الله لايهينك على القصيده الرائعه وتقبل مروري

ولا تهان

تسلم على تواجدك المميز


كل الشكر لك