قصيدة لشٌيخ فلاح ابن ركان ابن حثلين

[غــ الديارــريب]

هذاه قصيدة مختاره لشاعر الشيخ /فلاح ابن راكان ابن حثلين
املآ ان تحوز على رضاكم واعجابكم

الشيب ياخالد بدا قبل حله=وان كان ذاكبرٍ فلاني بجزاع
مدري بلاي مفارق الخل خله=ولا البنادق يوم ناتي لها انصاع
ياما نطحنا من جموع مظله=وياما عشقنا من حسينات الاقناع
ياما خذينا جل ذودٍ نقله=ماعاد ينفع فيه صايح وفزاع
تشعله قومٍ صابحت مدهل له = مثل السباع اللي مضاريم وجياع
ولحقوا هل البل مانوونا بذله = على الظهور مجاذبة كل مصراع
وقدها ورانا واحتمى الهوش كله =ثم اعترض في السوق شاري وبياع
وردوا بني عمي بخيلٍ مزله=لا زعزعوا مرزوق ياتنٌه ارياع
واقفوا هل البل خلٌوا المال كله= من ضرب قوم الى احتمى الهوش بتٌاع
ترمى الجنايز مثل رمي الأجله=يشبع بها ذيب الدويٌه اليا جاع
اقفى كبير القوم كونه يشله =اما قدم ولا صويبٍ ومرتاع
من ضرب قومٍ للمقاتل مدله=عجمان لامنُه وقف عابر الصاع
نوٌاسه الحربي اليا شان دله=لينه يجي عقب الصعاطير مطواع
قد صار يومٍ هال عرضه وجله=يومٍ تجي فيه الخساير ولاطماع
سيوف الهنادي جالهنٌه اظله=يكشف سناها كنه البرق لماع
حربٍ مشينا به على كل مِلٌه=ومدرٌجٍ ياتي لضربه تنيزاع
نطيحنا جمعه غدا فيه خلُه=لاهوب للجٌه ولاهوب للقاع
اقفى وعطبات المضارب تمله=خلا السواد وهمٌل الذوت وارتاع
من الفشل ماله عضامٍ تشله=ونعطيه من مرٌ العنا باع وذراع
وان بكٌر الوسمي بحسبة الأهله=نرعى الخطر غصبٍ على كل طماع
وحريبا يقفي وكبده مغله=واليا ذكرنا في حلا النوم يرتاع
واليا عقد عقدٍ لزوم نحله=واليا شبر شبرٍ جزيناه بذراع
وان صاح صيٌاح على راس تله=جينا على قبٌٍ سريعات الافزاع
ننطح شبا العايل بسيفٍ وسله=يومٍ على العدوان جا له تمرياع
والطير الابرق ماينجٌيه ذله=لى جاه حرٌٍ لأبرق الريش شلاع
نستاهل الفنجال لى مال ظله=في دلةٍ يعبا لها خمسة انواع
في مجلسٍ راعي الشرف ما يمله=وسوالف يطرب لها كل سماع
ونارٍ توقًــد ما حطبها بجله=ونجرٍ يصيٌح كنه الذيب لى جاع
مع لابةٍتسقي العدو كاس عله=لبُاسه الجوخ المشكٌل ولادراع
وان عاش راسي والسعد مقبلٍ له=اني لفضويهم على كلٌ الاسناع
اعزٌهم وادمح لهم كل زله=عزي وزرعي لى حصد كل زراع
وهذا طراة الروح من قبل حله=ولاجل ماله غير مولاي دفاع
وكلٌٍ على فعله لسانه يدله= وقولس بلا فعل مثل ضايعٍ ضاع
وترٌك هبيل القلب ياعاذل له =ولا تنصحون امولٌعٍ له تجراع
وصلاة ربي عد وبلٍ يهله=على نبيٍ للمخاليق شفاع

[راكان اليامي]

مـن ضـرب قـومٍ للمقاتـل مـدلـه
عجمان لامنُه وقـف عابـر الصـاع
لاهنت ياذيب




وصح لسان بن حثلين الله يرحمه

[ابوتركى]

والـطـيـر الابــــرق مايـنـجٌـيـه ذلــــه
لـى جـاه حـرٌٍ لأبــرق الـريـش شــلاع


صح السان الشاعر فلاح وتسلم ياعزيزى

على الاختيار الجميل

[غــ الديارــريب]

يعطيكم العافية
ركان اليامي
ابو تركي
واسعدني مروركم


تحياتي لكم

غريب الديار

[الحر النداوي]

صح السانك غريب الدار والسان الشيخ

اخوك الحر النداوي

[غــ الديارــريب]

الف شكر لك الحر النداوي

واتمنى تكون اعجبتك القصيدة


تحياتي


غريب الديار

[اليامي]

صح السان الشاعر فلاح وتسلم ياعزيزى

على الاختيار الجميل

وعسى ما ننحر من هالجديد

[غــ الديارــريب]

صباح الخير اخوي اليامي

يعطيك العافيه على المرور

وان شاء الله اكون عند حسن ضن الجميع


غريب الديار

[ابوحمد الشامري]

لاهنت يا السنافي على هذا الاختيار الجزل والجزل ما يجي الا من جزل والله يرحم الشيخ ابو راكان ويسكنه الجنه.

تحياتي لك يا القرم