موجعتني جدا ... لــ/ محمد بن مدران

زود الغـــــــــــلا · #1 17-06-2008, 04:40 AM

(تمتعـــــــــــــــــوا ...)

كلمتك لـى والله أنهـا موجعتنـى جـدا والله انها من وجعهـا وصلتنـى حـدي

صاحبى ياويش اسوى والزمن لى ضـدا ولا انا ماخلفت سلمى وسلم ..ابي وجدي

وكان كلا قد خذا له فـى زمانـه عـدا والله ان راس الطويله أحمـد الله عـدي

والله انى فى المجالس لاقلطـت امبـدا ووالله انى قبل نفسـى للرجـال أبـدي

والله انى ماخذ الرجله أبـا عـن جـدا وبالفعول الطيبه بيـن العـرب متقـدي

وكانك تشوف الرجـال ابملكهـا تنعـدا فانت غاوى..والرجـال بفعلهـا تنعـدي

واعرف ان وصف الرجال كثير ماينعـدا وان بغيت اعدهم..ياكيف؟كيـف اعـدي؟

منهم اللى ماخذ(ن)الطيـب عـود ونـدا واليمين امن الكرم بين الرجـال اتنـدي

ومنهم اللـى لانخيتـه اعتـزا واشتـدا راس قوم(ن)والظهر به فى اللقا يشتـدي

ومنهـم اللـى لابغيتـه للـزوم يسـدا دق لك صدره.شجاع وللـزوم ايسـدي

ومنهم اللى لاعطى لك كلمة(ن)مارتـدا لو درى ان موته وراها مارجع وارتدي

ومنهم اللى لانويـت تبيـح ليـه السـدا ارتكى صدره لصدرك..مافضح لك سدي

ومنهم اللى كنه طير(ن)لانـوى بالهـدا مايجيـب الا السمينـه لانـوى بالهـدي

ومنهم اللى لاتوجـع مالزمـن واحتـدا مستحيـل انـه يبيـن للعـرب ويبـدي

ومنهم اللى بيـن ربعـه مايمـد ابمـدا وان تحاكى قال انا اللى زايدن فى مـدي

ومنهم اللـى للسوالـف جـاب ولا ودا اكبر عزومه يشيل امن الحكى ويـودي

ومنهم اللى كـل همـه ملبسـه والقـدا واكثر هجوسه نحافه فى الخصر والقدي

ومنهم اللى ريح عطره لامشـى يمتـدا واكثـر طباعـه تجدهـا للنسـا تمتـدي

يتقـى مالشمـس دايـم لاتجـى للخـدا وان وقف عند المرايه..قال شوفى خدي

ذابعض وصفن ذكرتـه للرجـال ايبـدا والوصوف الطيبه من حازهـا متعـدي

ولا انا رزقى على اللى ماخلق لـه نـدا واحمد الله مابعدنـى باللعـرب محتـدي

القوافـى سقتهـا لـك يارفيقـى بالـدا ردهـا بالـدا.اذا انـك ناوي(ن)تـردي

صاحبى لا عاد توجعنـى فديتـك جـدا كلمتك واقسـم بربـى وصلتنـى حـدي

الشاعر/ محمد بن مدران

×مبسم هيا× · #2 17-06-2008, 04:56 AM

ماقصرتي على النقل ...
وصح لساانه
تقبلي مروري

زود الغـــــــــــلا · #3 17-06-2008, 05:05 AM

لاهنتي على المرور اختي

سمان الهرج · #4 17-06-2008, 05:17 AM

والقافيه اقسم بربي اعجبتني جداااا

ذووق يازود الغلا

صح اختيارش القمه..
لاهنتي..