الله يجيره من ال معيض والعلقه :)

[DUNHILL]

ياراكب اللي خذو من شبكه لنوره=شلقه , ومن رفرفينه شلقه وشلقه

الين ماعاد للفكسار ديكوره=الا شعار التايوتا حلقه وحلقه

اليا نطحته تحلف ان راس تنوره=نيرانها تو خشم الجيب معتلقه

كن فتحه السقف لولو فوق بلوره=غيره مرهّم وهو من مصنعه خلقه

ابيض كما زيبقٍ في حلق ماصوره=الله يجيره من ال معيض والعلقه

اهدا من السالفه في همس سنيوره=وارسى من الباخره واسبق من الطلقه

عدّه على واحدٍ با موت من جوره=وان مت من سبّته نشّبت في حلقه

الصاحب المرمس اللي ما لعب دوره=في مسلسلٍ مرني حلقه ورى حلقه

لكن سوى ذبحتي مايرضي اغروره=رد اعتبار ابلهٍ في الحب منزلقه

وانا البري من مواعيده وبلفوره=خشف ولو انويه ما مس كود ذا العلقه

عليه ردو من اقصى القلب مذخوره=تحيتن من وراها النار منذلقه

للغالي للي نزل والقاع محظوره=والليل يغري وعين ابليس منبلقه

وقولوله اني بعد ما حطني شوره=في حلقه مفرغه وادور في الحلقه

مازلت احبه واحاول ماجرح اشعوره=ولو كان مغرور واداني كذا علقه

وقولو له الجرح ماله غير دكتوره=واهل المحبه بدو ونفوس قلقله

من عله اللي برك كله على زوره=ماهيب عله شباب ضايقٍ خلقه

قدله وكن حالته بالصوت والصوره=بزرن ليا قام من نومه بكى غلقه

من قديم ضيدان بن قضعان , وانا في وجه فيصل بن حجرف

[البليهي]

من عله اللي بـرك كلـه علـى زوره
ماهيب علـه شبـاب ضايـقٍ خلقـه

قدله وكن حالته بالصـوت والصـوره
بزرن ليا قام من نومـه بكـى غلقـه




بيض الله وجهك يا دنهل على الاختيار الصعب




وصح لسان بن قضعان


.
.

[سعد الصميل]

لاهنت يا دنهل على القصيده الرائعه

وصح لسان بن قضعان

وانا من ناحيتي , مبيوح

[ناصر بن فالح]

صح لساان ابو منصووور ولسانك

ولاهنت على النقل يادنهل

[فلاح بن ملبز]

ارحب يا دنهل

وصح لسانك ولسان شاعرها / ابو منصور

ويعطيك العافيه على ذا النقل الجزل

و مبيوح

[ند فرسان]

مسكته القصيده

يعطيك العافيه

ولقدك في وجه فلاح افلحت

مبيوح

[علي أل فطيح]

الله لايهينك على النقل
وصح لسان ابومنصور

[كرباج]

صح السان ضيدان

[نـاصـر]

صح لسان ابو منصور

ولاهنت

[حـــوران]

صح لســان المبدع

ولاهنت اخوي دنهل على اختيـارك لقديم الزعيم

تحياتي واحترامي لك