اللي ربح ببضاعته يمدح السوق // والناس تطلب نادرات البضايع

[FDeeTK]

السلام عليكم ورحمة الله وبركاته

ارجوووا ان القصيده تنال على اعجابكم

اللي ربح ببضاعته يمدح السوق=والناس تطلب نادرات البضايع
يامدور الطيب تخير على الذوق=واحفظ معك من قول فارس ودايع
لوكان بالإرشادالنصح مسبوق=ذكرى لعل لها ترق السمايع
جواهرٍ معها شذى المسك مرفوق=ومعها التجارب مثبته بالوقايع
واللي لبس من جوهر المرجله طوق=مثلي مجرب والتجارب نفايع
سافرت لي طرقه وطبيت لي سوق=وخاويت في دربي جميع النزايع
والله خلق فالناس ميزات وفروق=الناس شتى بالشيم والطبايع
احدٍ على مبدا وله نظرة فوق =واحدٍ كما ثلج على القاع مايع
ولاني وكيل آدم على كل مخلوق=لكن اشوف بخلق ربي نوايع
اشفق على الطيب ولي رفقته شوق=غريب والامن قريب الجمايع
وراع الردى من دونه الباب مغلوق=بيني وبين اهل السفاله قطايع
الطيب واهل الطيب عاشق ومعشوق=والطيب له مبدا وحكم وشرايع
والمرجله وهبه من الرب ووفوق=والدين راس المرجله والطمايع
والرزق من ربي وله فرض وحقوق=ومن يطلب ارزاقه من الخلق ضايع
والاخذ بالاسباب ثابت وموثوق=وتوفيق ربي هوخيار الذرايع
ولاكل مطرودٍ كماقيل ملحوق=قولٍ مبالغ فيه لوكان شايع
إن ماجلبها والي العرش برفوق=كثر المطارد مايحوش النفايع
ومن يحسن النيه مع الناس مرزوق=ومن يتقي ربه دروبه سنايع
والكذب ثوب مايجمل ومشقوق=ولاينرفي شقه بكثر الرقايع
ومن لايحط اسرارقلبه بصندوق=ويجود المفتاح عن كل صايع
يفتح على نفسه مداخل وخازوق=وقناصة الفرصه تزيد الجلايع
ومن يقرب الانذال لايامن البوق=النذل خاين مايصون الودايع
عقرب ثرى والاكما ناب زاروق=لاصادف الغرات للسم زايع
واحذر ترى النمام للشر ناتوق=دايم يقرب للشرار الولايع
من المكارم خارب القصد مسلوق=وعقله لنزغات الشياطين طايع
وترى الردي شمع على الحيط ملزوق=لااونس حميم الشمس جاك متمايع
احذف ردي المعرفة حذف خملوق=لاتنخدع بالزبرقه واللمايع
عليك بالطيب لياصرت مزنوق=اللي فعوله كلبوها روايع
يشيل عنك من الصعيبات طاروق=ولا يلحق المنه جميل الصنايع
لامن عن الواجب هبا كل مزلوق=يقوم بالواجب بعيد الرمايع
والشارب اللي ساعت الضيق محلوق=وقت الرخاء مااحديبي له فزايع
خله ولو شفته على الوجه مصفوق=ولاتستشير مجالسين الربايع
وان كان في صدرك قنا الوقت مزروق=خلك على الشده قوي البتايع
واضرب على الكايدولا يلحقك عوق=واطلع سنود وخير ربك طلايع
والشمس لوغابت يجي صبح وشروق=والحق له صيتٍ مع الناس ذايع
يقدم عزيز الساس لوكان مفهوق=ويأخذ عظيمات المراجل قلايع
وصلوا على الهادي عدد ما ارمش الموق=وعسى لنا من جود ربي شفايع

[العجمي كوم]

صح الله الساااان الشاعر

ومن نقلها

ولاهنت

والله يعطيك العاااافية ,,, وشكرا

[بتاااار]

الله الله



صح السان شاعرها ةتسلم يمينك على النقل الجميل



قصيده رائعه وكلها حكم


ياليت نعرف شاعرها


كل الشكر لك علة النقل المميز


تحياتي

[فهيد بن سالم]

صــح لــســـان شــاعـــرهـــا ونـــاقــلــــهــا


ولااهــنــت يا هلااابك


وبـيـــض الله وجــهــك عـلـى الــنــقــل

[FDeeTK]

المشاركة الأصلية كتبت بواسطة العجمي كوم

صح الله الساااان الشاعر

ومن نقلها

ولاهنت

والله يعطيك العاااافية ,,, وشكرا

مرحباااااااااااااابك يا العجمي كوووم
ولانت والله لا يهينك يا بوسالم على مرووورك الطيب

[FDeeTK]

المشاركة الأصلية كتبت بواسطة بتاااار

الله الله



صح السان شاعرها ةتسلم يمينك على النقل الجميل



قصيده رائعه وكلها حكم


ياليت نعرف شاعرها


كل الشكر لك علة النقل المميز


تحياتي

مرحبااااااااااااااااااا مليووون يا بتاااار

ويمناك
وحنا ودنا ننقل لكم كل شي يحوووز على ارضاكم


والله لا يهينك على مرووورك الطيب

[FDeeTK]

المشاركة الأصلية كتبت بواسطة البشـر

صــح لــســـان شــاعـــرهـــا ونـــاقــلــــهــا


ولااهــنــت يا هلااابك


وبـيـــض الله وجــهــك عـلـى الــنــقــل

مرحباااااااااااابك يا البشر

ولانت ووجهك جعلك تبطي حي

والله لا يهينك على المروورالطيب

[غانم بن علوش الهاجري]

صح لسانك ولسان شاعرها

[FDeeTK]

المشاركة الأصلية كتبت بواسطة غانم بن علوش الهاجري

صح لسانك ولسان شاعرها

مرحبااااااااااااااا (( غانم علوش الهاااجري ))

صح بدنك
والله لا يهينك على المرووور الطيب