قال مفرح الضمني هذه القصيدة في المقدم / بداح بن محمد بن دهيم الغييثي الدوسري مدير مركز العارضية بعد ما رآه منه من مواقف طيبة ..
قال مفرح الضمني
ودك الى راجعت مركز حكومه = تلقى مديره بالعمل كنه( بداح)
(ابن دهيم) اللي تنومس علومه = تجيه ضايق بال وتروح مرتاح
طيّب ونفسه للمراجع رحومه = بالطيب علّق له نياشين واوشاح
واليا لبس تاج الشرف مع نجومه = تفتح لك الابواب من غير مفتاح
من لابةٍ عند الرجال امحشومه = اولاد زايد مهدية غال الارواح
لاجا نهارٍ فيه بيعه وسومه = تعرف مواقفهم الا صاح صياح
اقولها والطيب تعرف سلومه = على النقا ما هي هرابيد مزاح
هذا وقد رد على الضمني أخ المقدم بداح الشاعر المعروف ناصر دهيم الدوسري
يامرحبا باللي يشرف قدومه = مفرح الضمني له انزف الافراح
من لامني في حبه الله يلومه = الشاعر اللي كنه البرق لا لاح
كن القوافي في يديه امحكومه = عزيز نفس وللنواميس مداح
يامادح كحيلان هذا لزومه = في خدمة اللي مثل شرواك ماشاح
لجل الوطن يبذل وتقوى عزومه = كسب النعم تسوى ملايين الارباح
الطيب بين اهل الوفا الله يدومه = ومثلك يابو فيصل به الطيب ماراح
امعرب الجدان وامطير قومه = خيالهم يقبل على الموت نطـّاح
يوم الزمن قاسي وزادت سمومه = افعالهم تشهد لها علط الارماح
من حط حمران النواظر خصومه = ماله مع اهل العز قيمه الى طاح
كل الشكر للي يشرف قدومه = مفرح الضمني له انزف الافراح
وسلااامتكم
20-06-2004, 05:25 AM
الشاعر الكبير مفرح الضمني والشاعر ناصر ابن دهيم
العرض العادي
