ابشروا بالرد....على..."قصيدة موضوع خاص لمتذوقي الشعر"

[بعيد الهقاوي]

مساكم الله بالخير جميعا

ابشروا بالرد من الشاعر "فهاد"

على قصيدة....."المودع"

ويقول فهاد.......................:

يامرحبا ترحيب ماله اعدادي
.......................باللي نخانا وانتخينا لشكواه

يشكي فراق الزين غض النهادي
......................يشكي من الفرقا لعضيده ومشكاه

لاما يفيد الصبر ماعاد فادي
.....................عقب البيوت اللي لفتني مساواه

ان كان قصدك غايتك والمرادي
....................خلك بيفرح بك وتفرح بلقياه

وان كان تحصل جيته في العيادي
..................جيناه يوم العيد جيناه جيناه

وان كان به وصل بليا جهادي
.................ناتيه بالشيمه مع المال والجاه

وان كان بالقوه وقدح الزنادي
...............فمن نوى بالشر حنا نويناه

حنا حرار ضربها في الثنادي
..............ماحن نهاب اللي يخشش خباياه

معنا سيوف صارمات حدادي
..............ننطح بها الغازي وناخذ مطاياه

ودك بجيتهم بليا نكادي
.............نسري كما تسري الذياب ونهبناه

والحافكم ليل ورجلي وسادي
...............تجلس مع الغالي تحسب خطاياه

وجيت وليفك ياعميلي وكادي
...............حدد لنا الموعد وتبشر بلقياه

وروحي ومالي دون روحك تفادي
.................بمشي مع الكايد وبجمعك وياه

من حد يبرين الى أم العرادي
................ونشمل شمال صوب دار المخباه

وشرق وغرب ومع بنات البوادي
.................لو دونها خطوط طويله وصلناه

وتشوف خلك كاشخ بالرمادي
.................وقذيله هله وكف محناه

الموت والله غابي في فوادي
..................انا جروحي يالسنافي مغباه

اقفت سموم القيض جانا البرادي
................والضامي العطشان تسقيه يمناه

والبعد شين وكثرة الهرج غادي
................والرابح اللي مستريح بدنياه

وختامها صلوا على خير هادي
................محمد اللي بلغ الحق وأداه

وسلامتكم..........

[بنت راكــــان]

لسلام عليكم

ومساك الله بالنور اخوي بعيد الهقاوي

وصح لسانك ولسان خويك فهاد على ذا القصيده الجزله

تحياتي لك

اخيتك* بنت راكان

[cool]

السلاااام عليكم ورحمة الله وبركاااته

مسااااك الله بالنوووور والعااااافيه بعيد الهقااااوي .

مرحباااا بك وبرجوووعك .

ومن قااااال سااااالم وصح لسااااانك وصح لسااان فهاااد والله يعطيك

العاااافيه .

كـووول

[بعيد الهقاوي]

شكرا اختي بنت راكان على مرورك اللطيف

والله لايهينك يا coool على حسن الاطرااااء
ومن العايدين

وكل عام وانتم بالف خير

[ابوسعدون]

كاتب الرسالة الأصلية بعيد الهقاوي

الموت والله غابي في فوادي
..................انا جروحي يالسنافي مغباه

اقفت سموم القيض جانا البرادي
................والضامي العطشان تسقيه يمناه

والبعد شين وكثرة الهرج غادي
................والرابح اللي مستريح بدنياه

وختامها صلوا على خير هادي
................محمد اللي بلغ الحق وأداه

وسلامتكم..........

العيد عليك مبارك يالهقاوي

ختامة مسك يالهقاوي وعسى الله يحسن خاتمتنا أجمعين وصح السانك وقصيدة ماتقط منها شيء ولكن الخاتمه اللهم صلي على محمد