**
**
**
**السلام عليكم ورحمه الله وبركاته
مساء الخير للجميع
هذه قصيده للشاعرنا المبدع والمتمييز فرحان الذرفي الشمري
اتمنا ان تنال اعجابكم
ويستاهل ابو فهيد كل خير
اترككم مع القصيده واعذروني عن القصور00
ا ضغط هنا اااااا (من تسجيلي الخاص )
راكب اللي كن زوله يـوم قفـاء=زول ذيبِ جاد بالركض الرهاوي
اطلبوه اهل الغنم قبـل يتخفـاء=عابثن بطيب مراييـع الشـواوي
بالمواتر والبنـادق جـوه صفـاء=مع صحاصيحِ مثل بر الصـداوي
انذعر يوم اوقدو بـه واستخفـاء=والصياح وللفشق فوقـه تعـاوي
مايصيبون الهدف قومـن مجفـاء=رميهم عن حروته ينهـج سمـاوي
من ضحاهم يطردونه ليـن هفـاء=بالظلام وناحر الضلع النحـاوي
ياوصفت الجيب وصفي فيه وفـاء=احتسب له واصفه وصف الهواوي
سبعتِ توه مـن اليابـان لفـاء=ورده عبدالطيف وجاك ضـاوي
كنه اللي في جنـاح العـز رفـاء=ياوقف زوله مثل زول النـداوي
نادراِ مانـاش بالمخلـب تكفـاء=يذبح الحبرم والأرنب والكـراوي
جاهـزن زرع التوايـر ماتحفـاء=كل طبلونه بالأصفار امتسـاوي
يشتغل عندك تحسب انـه مطفـاء=ماطلع حسه مثـل وارد عـراوي
اقطم الكبوت والخشـم المضفـاء=والركون عن الهوى فيها مـلاوي
ويا عترض كنه ولد شيـخِ معفـاء=كاشخِ بالثوب والبشت الحسـاوي
كن خطـه دم مسطـوراَ توفـاء=ناشته شلفا شليويـح العطـاوي
في نهار الحرب والمـوت المصفـاء=يوم تنخاهم ضحاء الهيجاء مضاوي
وان نطحته قمت بالوجه اتشفـاء=شفت به فرقِ عن السته قصـاوي
الشنب صناعتـه حفـوه حفـاء=مثل شارب هتلر ايـام البـلاوي
والعيون اللي تزف النـور زفـاء=عن ضلام الليل حطولـه تقـاوي
سايقه منصـاك حايـل لاتلفـاء=واصفه لك وانت بالديرة قطـاوي
نصه اللي بالوفا والطيـب كفـاء=مقصدي ممدوح يازبن الجـلاوي
حي هالكلوجـه يانعـم الملافـاء=اشهد ان الطيب عنده له حـراوي
ينطحك بالعـود والبـن المدفـاء=في دلالِ ضوهـن دايـم سنـاوي
يابعد عفنن على النـاس يتجفـاء=ياعزيز النفس يالشهـم الحيـاوي
له سلامـي عـد مانـون ترفـاء=هو ويا اخوانه بعيديـن الهقـاوي
ماسكينن درب عـوداَ ماتشفاء=غازي المعروف بالطيب الصخاوي
جعل مسكانه مع الرسل الاعفـاء=ياعساه بجنـة الفـردوس يـاوي
لابتن عنـد القبايـل لـه ملفـاء=طيبهم ماهو غريـب ولا دنـاوي
بالكرم يومـن سرحـان يتهفـاء=مشبعين الذيب يوم الذيب عـاوي
قصـةِ عنـد العـرب ماتتخفـاء=ماشين تاريخهـا مـع كـل راوي
ولو اعدد كان جف الحبر جفـاء=محصي افعال الرجال اهل العزاوي
انتهت لو ان الي بالمـدح شفـاء=وختمها عنبر ومسك وعود جاوي
07-04-2008, 12:45 AM
العرض العادي
