أرفع يـدك وأرفـع يـدي لا هـبّ نسنـاس البـراد ... درّه .. بـيـن ايديكــم .. !

[بــ ــــــــرق]

السلام عليكم ورحمة الله وبركاته


صباح الخير


بدون مقدمات .. !




بين ايديكم

.
.
.

أرفع يـدك وأرفـع يـدي لا هـبّ نسنـاس البـراد=في خاطري كلمه لكنّ أرفع يـدك وأرفـع يـدي

لازم نـعــرف شـلــون نـبــذل لـلـفـراق الإجـتـهـاد= قبـل اللقـاء لا ينتـهـي عـلـى الــوداع السـرمـدي

تلـويـحـة الـعـشـاق مـــا تـنـطـاق لـكــنّ الـمــراد=منهـا نفسّـر كيـف تنـشـف راحــة الـكـف الـنـدي

يــا صاحـبـي علّقتـنـي بـيــن التـغـلـيّ والـعـنـاد=وأنـا قنعـت أن الغـلا مسكيـن والـحـبّ أجــودي

ولّعـتـنـي والـنــار أصالـيـهـا وتـالـيـهـا رمــــاد=وأنتـه لا قلـت النـار مـن شبابـهـا قـلـت أبـعـدي

وضمّدت جرحي ثم تركت الجرح وأخذت الضماد=عطني ضماده من مشـا درب المجاريـح يغـدي !

دايــم تـــزلّ ولا تـمــلّ .. وزلّـتــك كـبــوة جـــواد=يـا كثـر كبـوات الجـواد اللـي مـع الخيـل يـعـدي

منـك وعلـيـك المشكـلـه والـحـلّ والعـلـم الـوكـاد=أني عطيتك ما بقـى مـن عزمـي وضـاع جهـدي

الصـدر كائـن حـيّ لـكـن عــيّ وضلـوعـه جـمـاد=مقـوّسـه والقـلـب يـآخـذ قــوس منـهـا ويـحـدي

والـحـال ينـقـص والمحـبّـه مستتـبّـه ف إزديـــاد=حسبـي عليّـه ثـم عليهـا ثـم عـلـى الـحـظ الــردي

الـعـام أغـنـي قلـبـي الـلـي لا يـسـاق ولا يـقــاد=والـيـوم لا بالـلّـه حـنـيّ يــا مـخـايـل وأرعـــدي

عــوّدت أسـافـر بالتـوجّـد مــن بــلاد إلـيـا بــلاد=قـام الغـرام الصـح يلعـب صـح وأخلـف مقصـدي

أمّــا يـمـوت الـحـب .. ونعـلـن للمحبـيـن الـحــداد=وألاّ يعيـش .. وتحفظـه فــي ذمّـتـك يــا سـيّـدي

للـشــاعر : ســــــداح



تقبلوا تحياتي



بــ ـــــــــــرق