السلام عليكم 
هذي الله يسلمكم قصيدة للشاعر طلال الرشيد الله يرحمه ويسكنه فسيح جناته
ان شاء الله تعجبكم
يابن الحلال ان طعتني خل الاسراف=واترك جمال الغيد لاهـل البصيـره
الزين مو بس في الملامح والاوصاف=الزين روح وعفـه وطيـب سيـره
مانيب من يهـوى سريـا وانصـاف=انـا هـواي وبـس بنـت الجزيـره
بنت الخليج اللي تمـاري بالاعـراف=وحنـا نمـاري باسمهـا كـل ديـره
مالي غرام بقـول وخـا وبالـزاف=اذبحتني عنـد الطرحـه المستديـره
احب قولة ياهـلا وعـل وماخـلاف=من بنت ثوبي بنت الارض النضيـره
اللي تحلاها الظبي حلـو الاطـراف=جمـال فـي عفـه ورقـه وغيـره
واللي بها سحر مهو سحـر عـراف=ياعـل عيـن ماتـراهـا ضـريـره
عطف وحنان وذوق في لين الاعطاف=والى كشفت لثامهـا شفـت أميـره
صعب على اللي بالردي شاف ماعاف=وحلوه على اللـي سنـه الله ضميـره
شمس الى من اشرقت والدجا طـاف=غابت نجومك غصب لو هي كثيـره
السيف مايزهى سوى كـف سيـاف=والخيـل دون حصانهـا مستخيـره
بس أنت دورلك على قـدك لحـاف=وان طعتنـي دور بدلنـا عشـيـره
اختكم
ريـــــــانه العـــــود
28-12-2007, 03:40 AM
بــنــــت الـــجـــزيــــــــــــــرة
العرض الشجري